Qoǵam • 25 Qyrkúıek, 2025

Jasandy ıntellekt mınıstrliginiń jańa logotıpi tanystyryldy

50 ret
kórsetildi
1 mın
oqý úshin

Jasandy ıntellekt jáne sıfrlyq damý mınıstrligi óziniń logotıpin usyndy, dep habarlaıdy Egemen.kz.

Jasandy ıntellekt mınıstrliginiń jańa logotıpi tanystyryldy

foto: JI mınıstrligi

Vedomstvo ókilderi logotıptiń árbir elementiniń maǵynasyn túsindirdi:

  • Sheńber – ulttyq mádenıet pen birliktiń negizi sanalatyn shańyraqty, sondaı-aq Qazaqstannyń jahandyq aýqymyn jáne álemge ashyqtyǵyn bildiredi.

  • Sheńber ishindegi tórtburysh pishinder – ulttyq JI ınfraqurylymynyń negizin quraıtyn mıkrochıpter men sýperkompıýterlik júıelerge silteme.

  • Tor úlgisi – sıfrlyq matrısa, mundaǵy árbir uıashyq jalpy qozǵalystyń bir bóligi: memleket, bıznes, ǵylym jáne qoǵam.

Logotıptiń tústeri dástúr sabaqtastyǵyn jáne bolashaqqa umtylysty beıneleıdi.

«Jańa tańba joǵary tehnologııalar men ulttyq qundylyqtardyń sımvolıkasyn biriktirip, mınıstrliktiń mıssııasyn – jasandy ıntellekt pen sıfrlandyrýdy turaqty damýdyń jáne jalpy órkendeýdiń qozǵaýshy kúshine aınaldyrý maqsatyn kórsetedi», dep qosty vedomstvo ókilderi.

Eske sala keteıik, Qazaqstan Prezıdenti Qasym-Jomart Toqaev halyqqa Joldaýynda elde Jasandy ıntellekt mınıstrligin qurý týraly jarııalaǵan bolatyn.