Foto: Ashyq derekkóz
«Kazakh Tourism» kompanııasynyń habarlaýynsha, álemdik qonaq úı brendteri Qazaqstan naryǵyna belsendi qyzyǵýshylyq tanytyp otyr. Olardyń ishinde demalys týrızmine de, iskerlik saparlarǵa da baǵyttalǵan nysandar bar.
«Biz týrıstik ınfraqurylymnyń sapasyn arttyryp, óńirlerdiń týrıstik tartymdylyǵyn kúsheıtý maqsatynda halyqaralyq qonaq úı jelilerimen jumys júrgizip jatyrmyz. Qazaqstanda sapaly ornalastyrý oryndaryna degen suranys turaqty túrde artyp keledi. Bul iskerlik belsendilik pen týrıster sanynyń kóbeıýine baılanysty. Halyqaralyq qonaq úı brendteriniń bolýy servıs standarttaryn arttyryp qana qoımaı, naryqtaǵy básekelestikti de yntalandyrady», dedi «Kazakh Tourism» UK» AQ basqarma tóraǵasynyń m.a. Danıel Serjanuly.
Qonaq úı salasynyń damýy el ekonomıkasyna oń yqpal etedi. Bul týrısterdiń artýy, jańa jumys oryndarynyń ashylýy jáne kásipkerlik qyzmettiń keńeıýi sııaqty qosymsha múmkindikter ákeledi.
