Oblys aktıvimen kezdesýde Agenttik tóraǵasy Memleket basshysynyń tapsyrmasyna sáıkes adamǵa baǵdarlanǵan servıstik memlekettik apparatty qalyptastyrý baǵytynda iske asyrylyp jatqan sharalarǵa toqtaldy.
Kezdesý barysynda memlekettik kórsetiletin qyzmetti alýshylardyń quqyqtaryn qorǵaý, memlekettik apparatty bıýrokratııadan aryltý, kadrlyq prosesterdi sıfrlandyrý, memlekettik qyzmetke kirý tártibin ońtaılandyrý jáne sybaılas jemqorlyqqa yqpal etetin sebepter men jaǵdaılardyń aldyn alý máseleleri aıtyldy.
Darhan Jazyqbaı óz sózinde «Adal azamatqa» tán barlyq qundylyqtar eń aldymen memlekettik qyzmetshilerdiń tulǵalyq bolmysynan kórinis taýyp jatsa memlekettik apparattyń jumysyna tyń serpin bereri anyq. Adaldyq, ádildik prınsıpterin memlekettik apparattyń jumysynda jan-jaqty ilgeriletý – halyqqa shynaıy, adal, ashyq qyzmet kórsetetin memlekettik apparat qalyptastyrýda sheshýshi ról atqarady» - dep atap ótti.
Is-sapar aıasynda Agenttik tóraǵasy elge adal qyzmet etýdi ómirlik ustanymy etken, bilimdi ári eńbekqor jastarmen – Prezıdenttik jastar kadr rezervi men О́ńirlik kadr rezerviniń ókilderimen kezdesti. Kezdesýde ol «Sizderden oblys halqy óńirdiń ózekti máselelerin sheshýde kreatıvtilik pen jańa tásilderdi kútedi, ıdeıalaryńyz ben jobalaryńyz úlken ózgeristerge negiz bolady, ómir sapasyn odan ári jaqsartady dep senedi. Osy oraıda halyqtyń senimin aqtaý qajet» degen pikirin atap ótip, rezerv músheleriniń tek bilimmen ǵana emes, joǵary adamgershilik qundylyqtardy da boıyna sińirýi qajet ekenin alǵa tartty.
Sonymen qatar, Darhan Jazyqbaı Qorqyt ata ýnıversıtetiniń stýdentteri jáne jas memlekettik qyzmetshi mektebiniń tyńdaýshylarymen kezdesip, jastarǵa arnalǵan memlekettik qyzmettegi múmkindikter jaıly aıtty.
Búginde elimizde memlekettik qyzmetke kirýdi barynsha jeńildetý boıynsha qabyldanǵan sharalar nátıjesinde joǵary oqý ornyn jaqsy kórsetkishpen (GPA 3,33-ten kem emes) bitirgen 588 túlek aýdandyq jáne aýyldyq jerlerdegi tómengi laýazymdarǵa konkýrssyz qabyldanyp, qyzmet atqarýda. Olardyń 20-sy osy Qyzylorda oblysynda memlekettik qyzmetke ornalasqan.
Kezdesýge qatysýshylar jastardy qoldaýǵa baǵyttalǵan jobalarǵa jáne jańashyldyqtarǵa qyzyǵýshylyq tanytyp, ózderin qyzyqtyrǵan suraqtaryn ortaǵa saldy.
Agenttik tóraǵasy Qyzylorda oblysyndaǵy is-saparynyń sońynda jergilikti «QYZYLORDA» telearnasynyń «Elgeqyzmet» baǵdarlamasyna memlekettik qyzmetti damytýdyń aldaǵy josparlary týraly suhbat berdi.
