JAŃA JOBALAR JÚZEGE ASYRYLMAQShY

Keshe Astanada Qazaqstan Respýblıkasy Ulttyq ǵarysh agenttigi jáne “Qazaqstan Ǵa­rysh Sapary” UK” AQ-tyń uı­ym­dastyrýymen “Qazaqstannyń ındýstrııalyq-ınnovasııalyq damý sheńberinde ǵarysh jo­ba­laryn iske asyrý” taqyrybynda halyqaralyq dóńgelek ústel ótti. Qazaqstan, fransýz, nemis jáne reseı ǵarysh salasynyń maman­dary qatysqan bul jıyndy atal­ǵan agenttiktiń tóraǵasy Tal­ǵat Musabaev ashty. Dóńgelek ús­tel strategııalyq áriptestik jáne “QǴS” UK” AQ men fransýzdyq EADS Astrium kompanııasy yn­tymaqtastyǵynyń alǵashqy ná­tıjeleri men bola­shaǵy taqy­ry­bynda órbidi. Ulttyq ǵarysh agent­­­­­­tiginiń tóraǵasy óz sózinde atal­mysh is-sharanyń ót­kizilýin “Qa­zaqstan Ǵarysh Sa­pary” ult­tyq kompanııasynyń qu­ryl­ǵanyna 5 jyl tolýymen já­ne elordamyzdyń mereıtoıy­men tuspa-tus kelip otyrǵandy­ǵymen baılanystyrdy. Kelesi kezekte sóz alǵan se­riktes EADS Astrium fransýz kom­panııasynyń prezıdenti Fransýa Ok qazaqstandyq ǵarysh sala­sy­nyń mamandarymen birge jos­par­da turǵan asa mańyzdy jobalardy júzege asyratynyna qýanyshty ekendigin jetkizdi. Sonymen qatar, “Qazaqstan Ǵa­rysh Sapary” UK” AQ prezı­denti Ǵabdýllatıf Myrzaqulov sóz sóılep, fransýz kompanııa­symen birge júzege asyrylǵaly otyrǵan jobalardyń mazmuny­men tanystyrdy. Jıynǵa qatysýshylar “Qa­zaq­stan Ǵarysh Sapary” UK” AQ kompanııasynyń srategııasynyń Qazaqstannyń ǵarysh salasyn damytýda mańyzy zor ekendigin atap ótti. Onda negizgi ınvestı­sııa­lyq jobalar: ǵarysh appa­rat­taryn qurastyrý-synaý kesheni, Qazaqstan Respýblıkasynyń Jerdi qashyqtyqtan zondtaý ǵa­rysh júıesi men joǵary dáldikti spýtnıktik navıgasııasynyń jerústi ınfraqurylymy jáne Ulttyq ǵarysh ortalyǵynyń qamtamasyz etýshi ınfraqu­ry­lymyn qurý kózdelgen. Ǵarysh vedomstvosynyń bas­shysy onyń áriptesteri men qyz­metkerleriniń aldynda eldiń ǵarysh ınfraqurylymyn damytý jónindegi mindetterdiń tutas keshenin sheshýge baǵyttalǵan orasan zor jumys turǵanyn eske sala otyryp, jobalardy júzege asyrýda bárine sáttilik tiledi. Bul maqsatty júzege asyrý úshin ǵarysh júıelerin, ǵarysh júıe­leri óndi­risiniń quraldaryn, ǵa­r­ysh appa­rattaryn ǵaryshqa shy­ǵarý jáne olardy basqarý qural­daryn qurý, ozat ǵaryshtyq teh­nologııalar transfertteri men olar­dy ıgerý, qazirgi ǵarysh tehnı­kasyn ázirleý jáne óndirý mamandaryn daıarlaý qajet. Atalǵan mindetterdi sheshýge ba­ǵyt­talǵan birinshi kezektegi jo­balar Ǵarysh apparattaryn qu­rastyrý-synaý keshenin (ǴA QSK) jáne Qazaqstan Respýb­lı­ka­synyń Jerdi qashyqtyqtan zon­dtaý ǵarysh júıesin qurý (JQZ ǴJ) jobalary bolyp otyr. Jýrnalısterdiń qoıǵan su­raqtaryna jaýap bergen agenttik tóraǵasy Talǵat Musabaev Asta­nada salynǵaly otyrǵan ǵarysh­tyq apparattardy qurastyrý jáne synaý kesheni EADS Ast­rium fransýz kompanııasymen bir­lesip salynatynyn málimdedi. Atal­­mysh kompanııa buǵan deıin 16 ǵaryshtyq júıeni qurastyrýǵa keń kólemde atsalysyp, Fran­sııa, Taıvan, Brazılııa, Aljır, Reseı, Koreıa, Gollandııa, Úndi­stan, Ger­manııa jáne AQSh syn­dy mem­le­ketter úshin ǵaryshtyq apparat­tardy qurastyrý jáne sy­naý ke­shenderin salyp, olar­dyń aıaǵynan tik turýyna asa jo­ǵary yqpal et­ken. Kelisilgen jo­balardyń aıa­synda fran­sýz­dyq áriptester bizge Jerdi qa­shyq­tyqtan zond­taı­tyn alǵashqy ǵa­ryshtyq appa­ratyn qurasty­ryp beretin boldy.   Osy joba­lardy júzege asyrý úshin “EADS Astrium” fransýz kompanııasy sııaqty qazirgi ǵarysh tehnıkasy men tehnologııalaryn qurýda úlken tájirıbesi men ǵylymı-tehnıkalyq áleýeti bar basqa da strategııalyq áriptester tarty­latyn boldy. Qatarynan úsh kún ótkizilip jatqan sharalardyń qory­tyn­dysy retinde búgin Qazaqstan Respýblıkasynyń Ulttyq ǵarysh ortalyǵyn salý ornynda eskert­kish belgisi men stelanyń ashy­lýy ótetindigin aıta ketpekpiz. Áspet ÁBDIREShOVA, SQMÝ stýdenti.