Pýdzıan ınnovasııalyq forýmy Qytaı ǵylym jáne tehnologııa mınıstrligi men Shanhaı qalasy úkimetiniń bastamasymen qurylǵan jáne ol ǵylymı-tehnıkalyq progrestiń basymdyqtaryn, sondaı-aq joǵary tehnologııalyq salalardaǵy yntymaqtastyqty talqylaýǵa arnalǵan mańyzdy halyqaralyq alańdardyń biri bolyp tabylady. Lıaonın podforýmy ónerkásipti jańǵyrtýdyń praktıkalyq mindetterin sheshýge, smart-óndiristi damytýǵa jáne pılottyq engizýden bastap tehnologııalardy jergiliktendirýge deıingi ekijaqty áriptestikti keńeıtýge baǵyttaldy.
Lıaonın provınsııasynyń gýbernatory Van Sınveıdiń resmı qabyldaýynda óńir basshysy Qazaqstan Respýblıkasy Ulttyq ınjenerlik akademııasynyń vıse-prezıdenti, akademık Amandyq Tóleshov bastaǵan qazaqstandyq delegasııany ystyq yqylaspen qarsy aldy.
Akademık A.K. Tóleshov Qazaqstan men Qytaı arasyndaǵy tatý kórshilik pen dostyq sıpatqa negizdelgen qatynastar ýnıversıtetter men ǵylymı uıymdardyń ǵylymı-praktıkalyq jáne bilim berý salalaryndaǵy yntymaqtastyǵyn júıeli ári qarqyndy damytýǵa múmkindik beretinin atap ótti. Aıqyn mysal retinde Qytaı ǵylym akademııasynyń Shenıan avtomattandyrý ınstıtýty men О́.A. Joldasbekov atyndaǵy Mehanıka jáne mashınataný ınstıtýtynyń robototehnıkalyq júıeler men jasandy ıntellekt ádisterin ázirleý boıynsha birlesken jobalary kórsetildi. Qabyldaý qazaqstandyq áriptesterge degen joǵary senimdi jáne ǵylym, tehnologııalar men ınnovasııalar salalaryndaǵy yntymaqtastyqty keńeıtýdiń mańyzdylyǵyn taǵy bir márte dáleldedi.
Sonymen qatar, akademık A.Tóleshov Lıaonın podforýmynyń plenarlyq sessııasynda baıandama jasap, elimizdiń jedeldetilgen sıfrlyq transformasııaǵa, jasandy ıntellekt ekojúıesin damytýǵa jáne halyqaralyq ǵylymı-tehnologııalyq yntymaqtastyqty nyǵaıtýǵa baǵyttalǵan strategııalyq baǵytyn erekshe atap ótti. Shenıandaǵy alań joǵary deńgeıde aıqyndalǵan basymdyqtardy rastaýmen qatar, olardy birlesken jobalar, tehnologııalar transferi jáne ǵylymı-ınjenerlik kadrlardy daıarlaý arqyly praktıkalyq turǵyda iske asyrý quralyna aınaldy.
Delegasııa quramynda Rýdnyı ındýstrııalyq ýnıversıtetiniń rektory N.Saparhodjaev, «QazAtomО́nerkásip» UAK AQ "Semizbaı-U" JShS-niń damý jáne bıznes-ákimshilendirý departamentiniń bas menedjeri A.Altynbek, akademık О́.A. Joldasbekov atyndaǵy Mehanıka jáne mashınataný ınstıtýtynyń dırektory Z.Ýalıev, Halyqaralyq ınjenerlik-tehnologııalyq ýnıversıtetiniń ǵylymı-ınnovasııalyq qyzmet jónindegi departamentiniń dırektory M.Qýatova men joǵary oqý oryndary men ǵylymı-zertteý ınstıtýttarynyń ókilderi bar
Dóńgelek ústelde Rýdnyı ındýstrıaldy ýnıversıtetiniń rektory Nurbek Saparhodjaev sóz sóıledi. Ol Ǵylym jáne joǵary bilim mınıstrliginiń memlekettik baǵdarlamalarynyń, atap aıtqanda AI Sana bastamasy men ýnıversıtetterdi qoldaýǵa arnalǵan ózge de salalyq baǵdarlamalardyń ónerkásip úshin qoldanbaly sheshimder ázirleı alatyn «JI býynyn» qalyptastyrýdaǵy rólin atap ótti. «Búgin biz talanttar lıftisin quryp jatyrmyz: stýdenttik jasandy ıntellekt zerthanalarynan – tájirıbelik úlgilerge, al odan ári serııaly óndiriske deıin. Qazaqstan jahandyq bilim ekonomıkasynyń arhıtektýrasyna baqylaýshy retinde emes, teń avtor retinde enip keledi», dedi sarapshy.
Akademık О́.Joldasbekov atyndaǵy Mehanıka jáne mashınataný ınstıtýty men Qytaı ǵylym akademııasynyń Shenıan avtomattandyrý ınstıtýty (SIA CAS) sońǵy úsh jyl boıy robototehnıka jáne zııatkerlik óndiristik júıeler salasynda yntymaqtastyqty damytyp keledi. Áriptestik aıasynda birlesken ǵylymı zertteýler, akademııalyq almasýlar jáne kadrlar daıarlaý júzege asyp jatyr. Nátıjesinde Almaty qalasynda robototehnıka jáne zııatkerlik júıeler jónindegi Qazaqstan-Qytaı ortalyǵy quryldy.
Delegasııa Qytaıdaǵy ónerkásiptik robottardyń eń iri óndirýshisi SiaSUN kompanııasyna bardy. Taraptar Almaty qalasyndaǵy akademık О́.A. Joldasbekov atyndaǵy Mehanıka jáne mashınataný ınstıtýty bazasynda qurastyrý, servıstik qyzmet kórsetýdi uıymdastyrý jáne ınjenerlik ortalyq ashýǵa daıyn ekendikterin rastady. Bul bastama Qazaqstan men Ortalyq Azııa naryǵyna baǵdarlanatyn bolady.
Kelisimder aıasynda kollaboratıvti jáne logıstıkalyq robottar jelisi boıynsha jol kartasyn ázirleý, kadrlardy oqytý jáne otandyq kásiporyndardyń suranystaryna jedel beıimdeletin sheshimderdi kórsetýge arnalǵan demonstrasııalyq-óndiristik polıgon qurý qarastyrylǵan.
Sapar aıasynda Rýdnyı ındýstrıaldy ýnıversıteti men Halyqaralyq ınjenerlik-tehnologııalyq ýnıversıtet Shenıandaǵy Qytaı ǵylym akademııasynyń Avtomattandyrý ınstıtýtymen (SIA CAS) yntymaqtastyq týraly memorandýmdarǵa qol qoıdy.
Taraptar robototehnıka jáne ıntellektýaldy óndiris salalarynda jańa birlesken jobalardy iske qosý, JI jáne sıfrlyq tehnologııalar boıynsha bilim berý baǵdarlamalaryn keńeıtý, sondaı-aq qazaqstandyq kásiporyndar úshin pılottyq engizýler men tehnologııa transferin daıyndaý jóninde kelisimge keldi.
ALMATY
