Sıfrlandyrý qarqyndy damyp kele jatqan salanyń biri – óńdeý ónerkásibi. Keıingi jyldary ınnovasııalyq sheshimderdi qoldanatyn kompanııalardyń sany 3,5 ese ósip otyr. Bul óndiris tásilin ózgertip, kooperasııa múmkindigin edáýir keńeıtedi. Taý-ken metallýrgııa keshenine de pılotsyz tehnologııalar, jerasty radıobaılanys júıeleri, jumys barysyn dıspetcherleý jáne robottandyrý engizilip jatyr. Osyndaı qarqyn ózge sektorlardan da baıqalyp otyr.
«Innoprom. Belarýs» halyqaralyq kórmesinde usynylǵan otandyq ónimderdiń biri – «Game of Drones» kompanııasynyń ınnovasııalyq jobasy. Atalǵan tehnologııanyń eki maqsaty bar. Birinshiden, ony kombaın men shahta tehnıkasyn qashyqtan basqarý úshin paıdalanýǵa bolady. Ekinshiden, dron operatorlaryn jappaı daıyndaý úshin tıimdi ári únemdi platforma retinde qyzmet etedi.
«Bul – álemde teńdesi joq biregeı ónim. Ol beınekeskinderdi jáne basqarýdy dáldikpen ári joǵary jyldamdyqpen jibere alady. Osy tehnologııany aýyl sharýashylyǵy salasynda, geımıngte, áskerı qyzmetshilerdi dron basqarýǵa úıretý kezinde qoldanýǵa bolady», dep túsindirdi «Game of Drones» kompanııasynyń negizin qalaýshy Abylaıhan Jaqanov.
Kórmede sonymen qatar JI kómegimen temirjol vagondaryn basqarýǵa arnalǵan otandyq startap tanystyryldy. Bul júıe qazirdiń ózinde tórt elde, atap aıtsaq, Qazaqstan, О́zbekstan, Ázerbaıjan jáne Reseıde sátti jumys istep, 100 myńnan astam vagondy basqaryp otyr. Platformanyń negizgi elementi – eń kúrdeli máseleni, ıaǵnı vagon parkin ońtaıly josparlaý men ornalastyrýdy sheshý úshin jasandy ıntellektini (JI) paıdalaný. JI derekter massıvin taldaıdy jáne tasymaldaý kirisine tikeleı áser etetin eń tıimdi logıstıkalyq sheshimderdi usynady.
«Biz óz klıentterimizge basy artyq júgiristi 10%-ǵa deıin ońtaılandyrýǵa kómektestik. Bul – úlken operasııalyq kórsetkish. Bizdiń algorıtmderimizdiń kómegimen olar ońtaılandyrý, adamnyń qatysýymen bolatyn qatelikterdi joıý, keıbir úderisterdi avtomattandyrý jáne úlken faktor – JI kómegimen josparlaý arqyly ár vagonnan aıyna 20 dollardan kóp tabys taba bastady. Iаǵnı vagondy qandaı ótinimge berý kerektigin júıe ózi sheshedi», dedi ázirleýshi kompanııanyń ókili Ánýar Sársembınov.
Kórme barysynda «Best Vision Technologies» kompanııasy «aqyldy kaska» serııalyq óndirisin tanystyrdy. Ázirlemeniń negizi – qarapaıym kaskaǵa bekitilgen arnaıy qurylǵy. Ol kameramen, dınamıkpen jáne mıkrofonmen jabdyqtalǵan. Bul menedjerge naqty ýaqyt rejiminde jumys ornynda qyzmetkermen bolyp jatqan barlyq nárseni kórýge jáne estýge, sondaı-aq olarmen ekijaqty baılanys ornatýǵa múmkindik beredi. О́ndiristegi lokalızasııa deńgeıi 63%-ǵa jetetin qurylǵy ornalasqan jerdi baqylaýǵa arnalǵan GPS modýlimen jabdyqtalǵan jáne uıaly baılanys arqyly jumys isteıdi.
Sonymen qatar «aqyldy kaskaǵa» jasandy ıntellektini ıntegrasııalaý jumystary áli de jalǵasyp jatqan kórinedi. Tehnıkalyq «kórýdi» qoldana otyryp, jasandy ıntellekt kameradan beıneaǵynyn taldaıdy jáne qaýipsizdik erejeleriniń buzylýyn avtomatty túrde anyqtaıdy.
«Eger qyzmetker kaskasyz, qolǵapsyz nemese jumys kıiminsiz júrse, júıe ony jazyp alady da dereý dıspetcherge habarlama jiberedi. Bul júıe jumys oryndaryndaǵy qaýipsizdikti baqylaýǵa, eńbek ónimdiligin arttyrýǵa, óndiris mádenıetin jaqsartýǵa múmkindik beredi jáne qyzmetkerler men basshylyq arasyndaǵy baılanysty jeńildetedi», dedi kompanııa dırektory Sáken Sadyqov.
Jaqyn arada kompanııa tolyq ıntegrasııalanǵan kaska shyǵarýdy jolǵa qoıýdy jáne naqty ýaqyt rejiminde óndiristik operasııalardy oryndaý kezinde qyzmetkerlerge keńes bere alatyn daýystyq kómekshini ázirleýdi josparlap otyr.
«Innoprom.Belarýs» kórmesinde sporttaǵy jaraqattardyń aldyn alýǵa arnalǵan otandyq IT-startap usynyldy. NU bazasynda júrgizilip jatqan joba Memleket basshysynyń barlyq salany, sonyń ishinde sport pen medısınany sıfrlandyrý jónindegi tapsyrmalary aıasynda júzege asqan. .
Jańa tehnologııa keshendi bıomehanıkalyq taldaýǵa negizdelgen. Sporttyq jabdyqqa biriktirilgen arnaıy sensorlar kómegimen júıe 20 myńnan astam biregeı qozǵalys parametrlerin jınaıdy jáne óńdeıdi. Ári qaraı mashınalyq oqytý algorıtmderi kózben kórý arqyly baıqalmaıtyn eń kishkentaı asımmetrııalardy anyqtaı otyryp, alynǵan derekterdi taldaıdy. Tereń taldaý jaraqat alý qaýpin joǵary dáldikpen boljaýǵa jáne sportshy men jattyqtyrýshyǵa jeke usynystar jasaýǵa múmkindik beredi.
«Bizdiń júıe eki mınýt jasyryn qaýip-qaterdi anyqtaý úshin jasandy ıntellekt arqyly óńdeletin úlken kólemdegi derekterdi eki mınýt ishinde jınaýǵa múmkindik beredi. Biz «Astana» jastar fýtbol komandasymen tabysty qanatqaqty joba ótkizdik. Bizdiń ónimniń qundylyǵy men nátıjesin kórsetti. Jattyqtyrýshylar rıza boldy. Endi biz kelesi jylǵa fýtbol klýbymen birjyldyq kelisimshartty iske qosamyz», dedi «Mirai Tech» JShS operasııalyq dırektory Azamat Esjanov.
