Aıta keteıik, is boıynsha er adamǵa salynǵan ınvestısııany eki ese - 30 mln 250 myń teńge qaıtarý ýáde etilgen, biraq aqsha qaıtarylmaǵan. Sonymen qatar, materıaldarda 634 myń jáne 4 mln 111 myń teńge somasynda gúl kompozısııalaryna tapsyrystar kórsetilgen. Bul gúl shoqtary áleýmettik jelilerde er adamnan syılyq retinde kórsetilgenimen, shyn máninde tólem túspegen.
Birinshi satydaǵy sot Nıgmetovany iri mólsherde alaıaqtyq jasaý baby boıynsha kináli dep tanydy. Sot 6 jyl 6 aıǵa bas bostandyǵynan aıyrý jazasyn taǵaıyndady. Jartylaı ótelgen zalaldy jáne kámeletke tolmaǵan balasynyń baryn ishinara eskerdi, biraq bul jaǵdaılar jazany jeńildetýge jetkiliksiz dep baǵalandy.
Advokattar sot sheshimine shaǵymdanýǵa tyrysqanymen, apellıasııalyq alqa keıbir tujyrymdamalardy túzetip, jazany ózgerissiz qaldyrdy.
- Bizdiń komanda kassasııalyq shaǵymǵa daıyndalyp jatyr. Apellıasııa úkimniń keıbir bólikterin ózgertti, biraq biz tolyq aqtaýdy talap etemiz, — dedi advokat Janna Orazbahova.
Qazirgi ýaqytta Nıgmetova Almagúldegi jalpy rejımdegi kolonııada otyr, munda ártúrli qylmystar úshin sottalǵan áıelder jazasyn óteıdi. Qorǵaýshylardyń aıtýynsha, is Joǵarǵy Sotqa deıin jetkiziledi.
