Ustazdyń bastamasymen «О́nertapqyshtar álemi» klýby quryldy. Klýbtyń alǵashqy iri jobalarynyń biri – erekshe qajettilikteri bar oqýshyǵa qol protezin jasaý boldy. Keıinnen birneshe qol jáne aıaq protezderiniń úlgileri daıyndaldy.
Bilim berý salasyndaǵy belsendi eńbegi úshin Daýleshıar Baqytáli Prezıdent Qasym-Jomart Toqaevtyń shaqyrýymen marapatqa ıe boldy.
Oqýshylardyń shyǵarmashylyq izdenisteri nátıjesinde kóptegen biregeı jobalar dúnıege keldi. Atap aıtqanda: «Avtomatty qoqys jınaǵysh», «Eden jýýǵa arnalǵan robot», «Robo-kúnbaǵys», «Kórmeıtinderge arnalǵan kózildirik», «Bótelke qaıta óńdeý qurylǵysy», «Jetkizý drony», «Robo-dáriger», «Qazaqy stıldegi avtokólik maketi» jáne basqa da jobalar jasaldy.
Sonymen qatar, pedagog mektepten tys úıirmelerge arnalǵan arnaıy baǵdarlama ázirlep, muǵalimder men oqýshylarǵa arnalǵan fızıka páni boıynsha mobıldi qosymsha oılap tapty. Balalarmen birlesip jasalǵan jobalar áleýmettik jelilerde keńinen taralyp, tek óńirde ǵana emes, búkil el kóleminde oń pikirge ıe boldy.
Mundaı bastamalar oqýshylardyń áleýetin ashýǵa, olardyń ǵylymı izdenisterge qushtarlyǵyn arttyrýǵa jáne óz ıdeıalaryn júzege asyrýǵa múmkindik beredi. Oqýshylardyń ata-analary da pedagogtyń eńbegin joǵary baǵalap, onyń bilimdi qyzyqty ári túsinikti túrde jetkize biletinin atap ótti.
Almaty oblysy.
