Ol aýdan aýmaǵynda osy jyly jasalǵan alaıaqtyq, urlyq, esirtki taratý, brakonerlik boıynsha 11 qylmystyń izin sýytpaı ashyp, burynǵy jyldary jasalyp, der kezinde ashylmaǵan 5 qylmysty áshkereledi.
Osylaısha Yrzaly Myrzaǵalıuly qyraǵy, kásibı, daıyndyǵy joǵary, zańdy jetik meńgergen, qylmyspen kúreste ádilettilikten aınymaıtyn naǵyz polıseı ekendigin dáleldedi. Kásibı maman qylmystyń saldarymen kúreskennen góri, quqyqbuzýshylyqtyń aldyn alý sharalaryn jaqsy uıymdastyrý qajet degen pikirde.
«Sol úshin de jasóspirimder tárbıesinde ata-ananyń jaýapkershiligin kúsheıtý, bilim berý uıymdarynda zań men tártip qaǵıdattaryn saqtaýdy oqýshylarǵa úıretý mańyzdy. Adam jeke basynyń jaýapkershiligin birinshi orynǵa qoıyp, jaman ádetterden aýlaq bolsa, qarapaıym erejelerdi saqtasa, eńbekpen aınalyssa, ońaı jolmen aqsha tabýdan bas tartsa sanaly da, tártipti azamattar qatary kóbeıedi», deıdi ol.
Aǵa jedel ýákildi aýdan turǵyndary tegis tanıdy. Minezi qarapaıym, jurtpen ashyq-jarqyn qarym-qatynas jasaıtyn azamatty áriptesteri de qurmetteıdi. Ol jumys arasynda bos ýaqyt taýyp, mektepterde uıymdastyrylatyn kezdesýlerden qalmaýǵa tyrysady. Kezdesýlerde zańdy buzýdyń aýyr zardaptary týraly ómirden alynǵan naqty mysaldardy keltirip, jastardy tolǵandyrǵan suraqtarǵa jaýap beredi.
«Yrzaly Myrzaǵalıuly – zań men tártip qaǵıdattarynyń saqtalýyn qamtamasyz etip qana qoımaı, qylmystyń aldyn alý sharalaryn da úzdiksiz júrgizip kele jatqan azamat. Alys aýdandarda osyndaı jigitterdiń jumys istegeni qoǵamnyń saýlyǵy úshin óte mańyzdy», deıdi oblystyq polısııa departamenti bastyǵynyń orynbasary Rústem Apsátterov.
Aqtóbe oblysy
