Habarlamany qalaı alýǵa bolady?
Turǵyn úıdi bólýge qatysý úshin azamattar birneshe mańyzdy qadamdy aldyn ala oryndaýy qajet.
- Jeke derekterdi óńdeýge kelisim berý
Bul – barlyq qatysýshylar úshin mindetti talap.
Kelisimdi rásimdeý úshin:
- orken.otbasybank.kz saıtyna kirý kerek;
- ESQ (Elektrondyq sıfrlyq qoltańba) arqyly júıege kirý qajet;
- Kelisim mátinimen tanysyp, tıisti belgini qoıý kerek;
- «ESQ arqyly qol qoıý» batyrmasyn basý qajet.
Eger onlaın rásimdeý kezinde qıyndyq týyndasa, azamattar HQK-daǵy nemese «Otbasy bank» bólimshelerindegi ózine-ózi qyzmet kórsetý aımaqtaryna baryp, mamandardyń kómegine júgine alady.
2. Telefon nómirin Mobıldi azamattar bazasynda tekserý
SMS-habarlama tek azamattyń JSN-yna tirkelgen telefon nómirine ǵana keledi. Eger nómir eskirgen nemese tirkelmegen bolsa, habarlamany jiberip alý qaýpi bar.
Málimetterdi tekserý jáne jańartý eki jolmen júzege asady:
- eGov.kz portalyndaǵy jeke kabınet arqyly (ESQ kómegimen);
Arnaıy silteme arqyly JSN engizip, nómirdi jańartý úshin:
- eGov.kz saıtynda nemese eGov Mobile qosymshasynda avtorızasııadan ótińiz;
- Profıl bóliminde telefon nómirin tekserińiz;
Qajet bolsa, ony ózgertip, 1414 nómirinen keletin SMS-kod arqyly rastańyz.
Rastalǵannan keıin jańa nómir sizdiń JSN-yńyzǵa resmı túrde tirkeledi jáne barlyq habarlamalar dál osy nómirge kelip túsedi.
Páterlerdi bólý qashan bastalady?
Qazir «Otbasy bank» jergilikti atqarýshy organdarmen daıyn turǵyn úılerdi berý týraly kelisimder jasasýda. Osy kezeń aıaqtalǵan soń, páterlerdi bólý kezeńi bastalady.
Turǵyn úıler eki baǵyt boıynsha usynylady:
- Jaldamaly turǵyn úı – satyp alý mindettemesinsiz;
- Nesıege beriletin turǵyn úı – jyldyq 2,5% mólsherlememen jáne 10% bastapqy jarnamen.
Páter alýshylar qalaı anyqtalady?
Úmitkerler páterge kezekke qoıylǵan kúnine jáne tabys deńgeıine qaraı irikteledi. Eger tabys týraly málimetter rastalmasa nemese eskirip ketse, irikteýge qatysý múmkindigi shekteledi.
Kezektegilerdi esepke alýdyń jańa júıesi
2025 jylǵy 24 mamyrdan bastap turǵyn úıge kezek júrgizý mindeti tolyqtaı «Otbasy bankke» berildi. Buǵan deıin bul fýnksııa jergilikti ákimdikterdiń quzyrynda bolǵan. Endi barlyq derekter orken.otbasybank.kz platformasynda biryńǵaı bazaǵa biriktirilgen.
- Qazirgi tańda turǵyn úı kezeginde shamamen 1 mıllıon adam tur:
- 650 myń adam – ákimdikterden berilgen málimetter;
- 300 myńǵa jýyq adam – bank júıesi arqyly jańadan tirkelgender.
Azamattar úshin bul neni bildiredi?
Kezektegilerdi esepke alýdyń ortalyqtandyrylǵan elektrondy júıesine kóshý turǵyn úı bólý prosesin ashyq ári yńǵaıly etedi. Azamattar óz ótinimderiniń mártebesin onlaın baqylap, páter bólý týraly habarlamalardy ýaqytyly ala alady.
Kóptegen azamattar úshin bul — kópten kútken baspanaǵa qol jetkizýdiń naqty qadamy bolmaq.
