ÁRIPTESTIKTIŃ ÁIGILI JOLY

Keshe elimizdiń bas qalasynda ótip jatqan III Astanalyq ekonomıkalyq forým sheńberinde “Memlekettik-jeke menshik áriptestigi – memleket pen bıznes áriptestiginiń ınnovasııalyq tásili” ta­qyrybynda memlekettik-jeke menshik áriptestigi ortalyq­ta­ry­nyń konferensııasy jáne “Memlekettik-jeke menshik áriptestiginiń is-tájirıbelik qyrlary” taqyrybynda dóńgelek ústel ótti. Konferensııa jumysyna Fran­sııa, Koreıa, Japonııa, Reseı Federasııasy, Polsha, Túrkııa, Gollandııa, Germanııa syndy álemniń 30-dan astam elinen mem­lekettik-jeke menshik árip­tes­tigi ortalyqtarynyń, halyqara­lyq qarjy ınstıtýttarynyń, jeke sektordyń jáne memlekettik qurylymdardyń   basshylary men ókilderi qatysyp, pikir al­ma­sa kele MJMÁ álemdik ıns­tı­týttarynyń Qaýymdastyǵyn qurý jóninde uıǵarym jasady. Qazaqstannyń bul bastama­sy­na oń baǵa bergen Fransııanyń qarjy jáne ekonomıka mınıstr­ligi MJMÁ ortalyǵynyń Bas hatshysy Fransýa Berjere, óz eliniń MJMÁ salasynda álemdik ozyq modelin qalyptastyrǵan­dyǵyn baıandap berdi. Búgingi kúnge deıin Fransııada 20 myń­nan astam konsessııalyq joba iske asy­rylyp jatyr. Germanııa qarjy mınıstrliginiń MJMÁ bóliminiń basshysy Berhard Mıýl­­ler óz baıandamasynda álem­­dik jáne nemis tájirıbesiniń ǵy­­ly­mı-metodologııalyq qam­­tama­syz etý, jobalardy jospar­laý jáne iske asyrý týraly oılary­­men bólisti. Forým sheńberinde qoǵamdyq mańyzdy jobalardy iske asyrýda birtutas alań retinde qyzmet ete­tin jáne memlekettik-jeke men­­shik áriptestigi salasynda tájirı­be almasyp otyratyn Ha­lyqara­lyq ınstıtýttar qaýym­das­tyǵyn qurý týraly rezolıýsııa qabyl­dan­­dy. Sonymen birge, Qazaqstan Respýblıkasynyń zańnamasy sheńberinde álemdik MJMÁ ortalyǵynyń ofısin Astana qalasynda ashý týraly sheshim qabyldandy. О́z kezeginde, qaýymdastyq halyqaralyq is-tájirıbede mem­lekettik jeke menshik áriptestigin júzege asyrý týraly málimetti qatysýshylarǵa jetkizip otyrýǵa, zańnama men ınstıtýsıonaldyq ne­gizderdi úılestirý jáne mem­lekettik-jeke menshik áriptestigi jobalaryn iske asyrý jóninde usynystar ázirleý jumystaryn júrgizip otyrýǵa mindettenedi. Qurylýy josparlanǵan por­talda qatysýshy elderdiń barlyq memlekettik-jeke menshik árip­testik jobalary týraly aqparat engizilip otyratyn bolady. Mun­daı keń kólemdi aqparat kózi óz kezeginde MJMÁ jobalaryn qarjylandyrýǵa nıet tanytqan ınvestorlar úshin de, joba ıeleri úshin de tıimdi bolatyny daý tý­dyrmasa kerek. Sondaı-aq, jobalar boıynsha aqparattardy memlekettik organdar da, MJMÁ máselelerimen shuǵyldanatyn mamandanǵan uıymdar da ornalas­­tyra alatyn bolady. Álemdik ekonomıkanyń daǵda­rystan keıingi kezeńinde ornyqty damýyna yqpal etetin tetikterdi anyqtaý jáne pysyqtaý maqsa­tynda forým baǵdarlamasy ǵyly­mı jáne praktıkalyq baǵyttaǵy is-sharalardy da qosa qamtýdy qolǵa almaq. Qaýymdastyq qyzmeti barlyq múshelerge teń dárejede quqyqtar men mindetter qamtamasyz ete otyryp, zań­dy­lyq, obektıvtilik, táýelsizdik qaǵıdattaryna negiz­delgen túrde júzege asyrylatyn bolady. Suńǵat ÁLIPBAI.