Taǵylymdy sharany Ulytaý oblysynyń mádenıet, tilderdi damytý jáne arhıv isi basqarmasynyń qoldaýymen Ulytaý aýdandyq tarıhı-ólketaný mýzeıi uıymdastyrdy.
Kórmeniń saltanatty ashylý rásiminde Ulytaý oblystyq mádenıet, tilderdi damytý jáne arhıv isi basqarma basshysy Maǵjan Tabyldın, Jezqazǵan qalasy jáne Ulytaý aýdanynyń Qurmetti azamaty, qoǵam qaıratkeri Saǵyndyq Qojamseıitov, Qazaqstannyń Qurmetti metallýrgi, ólketanýshy Tólegen Búkirov sóz sóıledi. Olar ǵalymnyń ulttyq taǵamtaný ǵylymyn damytýdaǵy jáne halyq densaýlyǵyn jaqsartýdaǵy ólsheýsiz eńbegin tilge tıek etti.
Kórme segiz bólimnen turady. Ekspozısııada el qurmetine bólengen akademıktiń balalyq shaǵyndaǵy sýretteri, taǵamtaný salasyndaǵy ǵylymı eńbekteri, marapattary, tutynǵan jeke zattary, otbasylyq muralary jáne Qazaq taǵamtaný akademııasyndaǵy jumys kabıneti tolyq jabdyqtarymen usynyldy. Kórmeni qyzyqtaýshy qonaqtar beınerolık kórip, ǵalymnyń ómir jolynan syr shertetin jádigerlermen tanysty.
Taǵylymdy sharada «Seniń ómir súrýińniń sapasy – ishken asyńmen ólshenedi» dep ult saýlyǵyn ómirlik murat etken tulǵanyń densaýlyq saqtaý salasyna sińirgen ólsheýsiz eńbegi, ónegeli ómiri ulyqtaldy.
Kórmeni jurtshylyq Jezqazǵan qalasy, Ǵaryshkerler kóshesi, 26 – da ornalasqan Ulytaý oblystyq mýzeıiniń kórkem-kórme zalynda qazan aıynyń 7–15 kúnderi aralyǵynda tamashalaı alady.
Ulytaý oblysy
