Oblystyq polısııa departamenti bastyǵynyń birinshi orynbasary Quttybaı Sadyqovtyń deregine qaraǵanda, polıseıler men erkitler esirtki saıttaryn jarnamalaǵan 70-ten asa graffıtıdi joıǵan.
«Zańsyz aınalymnan jalpy salmaǵy 180 kılodan asatyn esirtki tárkilendi. Onyń ishinde asa aýyr sanatqa jatatyn 3 kılodan astam sıntetıkalyq esirtki zaty bar. Polısı qyzmetkerleri júrgizgen jedel-izdestirý sharalary kezinde zańsyz 2 fıtozerthana, esirtki tasymaldaýdyń 3 arnasy joıyldy. Esirtkilik mas kúıde avtokólik júrgizgen 40 adam jaýapqa tartyldy. Oblys aýmaǵynda esirtki tasymaldaýmen aınalysqan 25 kúdikti ustaldy. Olardyń 9-y ózge oblystan kelgeni, jasy kámeletke tolmaǵan 5 kúdiktiniń kolledj stýdentteri men mektep oqýshysy ekeni anyqtaldy», deıdi Quttybaı Sadyqov.
Onyń málimetinshe, polıseıler ǵalamtor jelisine kún saıyn júrgizilgen monıtorıng arqyly esirtkini jarnamalaıtyn 925 saıtty anyqtap, Ishki ister mınıstrligine buǵattaýǵa joldaǵan. Al «Antıfrod» aqparattyq júıesinde kúdik týdyrǵan 11 948 esepshot anyqtalyp, 36 mıllıon teńgeden astam qarjy buǵattalǵan.
