О́ŃIRDIŃ О́RKENDEÝINE KEPIL KELISIM

Qostanaı oblysynyń ákimi Sergeı Kýlagın  men ENRC PLC kompanııasynyń bas atqarýshy dırektory Felıks Výlıs aımaqtaǵy áleýmettik jobalardy júzege asyrý jónindegi kelisilgen seriktestik týraly memorandýmǵa qol qoıdy. Bul kezdesýge ENRC PLC kompanııasynyń bas atqarý­shy dırektorynyń keńesshisi Ibragım Edilbaev pen “SSKО́B” AQ prezıdenti  Muhamedjan Týrdahýnov qatynasty. Memoran­dým boıynsha 1 mıllıard 164 myń teńge Rýdnyı qalasy men Qashar poselkesindegi ınfra­qury­lymdy damytýǵa baǵytta­la­dy. Sonymen  qatar, memorandým sheńberinde jumysshylar jataq­hanasyn salý, kóp qabatty úı qurylysyn bitirý, oblystyq shaıbaly hokkeı federasııasyna demeýshilik kómek berý isi de qarastyrylǵan. Áleýmettik nysandardy qar­jylandyrýdy “ENRC Kómek” korporatıvtik qory men ENRC quramyna kiretin  “Sokolov-Sary­baı ken óndirý birlestigi” AQ júzege asyrady. – Memorandýmda kórsetilgen jobalarda qalany abattandyrýǵa, densaýlyq saqtaý, mádenıet pen sportqa basymdyq berip otyrmyz. Jyl saıynǵy jobalardyń iske asýy aımaq turǵyndarynyń turmys-tirshiliginiń jaqsarýyna eleýli kómek kórsetedi,– dedi Felıks Výlıs kezdesýde. Qonaqtar kezdesýden keıin “SSKО́B” AQ óndiris alańynda bolyp, Metall ılekteý zaýytynyń qurylysy men Sokolov kenishiniń bolashaǵyna nazar aýdardy. Sońǵy ken barlaý jumystarynyń nátıjesinde bul kenishtiń áli de mol qory bar ekeni anyqtalyp otyr. Kenishte ken arshylsa, qalada salynatyn turǵyn úıler, ózge de áleýmettik qurylystar qatary artady. Memo­ran­dým tek kenshiler qala­synyń ǵana emes, óńir­diń gúldenýine kepil kelisim bolmaq. Názıra JÁRIMBETOVA. RÝDNYI.