Foto: Ekologııa jáne tabıǵı resýrstar mınıstrligi
«Atalǵan derek boıynsha qyzmettik tekseris júrgizilip, Kólsaı-2 kóliniń mańynda shomylýǵa tyıym salynǵany týraly eskertý belgileri bolmaǵany anyqtaldy. Sol sebepti bul árekette quqyq buzýshylyq belgileri joq.
Kezdeısoq oryn alǵan jaǵdaı aýmaqtyń ekologııalyq turaqtylyǵyna áser etpegen», delingen mınıstrlik málimetinde.
Atalǵan oqıǵa erekshe qorǵalatyn tabıǵı aýmaqtarda bolý erejeleri týraly týrısterdi júıeli túrde habardar etýdiń mańyzdylyǵyn kórsetti. Bul óz kezeginde Qazaqstannyń biregeı tabıǵatyn saqtaýǵa, sondaı-aq eldiń eko jáne jaýapty týrızm baǵytyndaǵy tartymdylyǵyn arttyrýǵa múmkindik beredi.
Sonymen qatar Pavel Dýrovtyń 10 mıllıonnan astam jazylýshysy bar jeke paraqshasynda jarııalanǵan beınematerıal ımıdjdik sıpatqa ıe, Qazaqstannyń tabıǵı sulýlyǵyn halyqaralyq aýdıtorııaǵa pash etti. Mundaı aqparattyq qamtý eldiń týrıstik áleýetin jaqsartýǵa qosylǵan eleýli úles.
