2024 jyly Aqsý qalasynyń prokýratýrasy tórt dene shynyqtyrý-saýyqtyrý kesheniniń qurylysy boıynsha oryndalǵan jumystar aktilerine zańsyz qol qoıylǵanyn anyqtaǵan. Aldyn ala tergeý barysynda arnaıy prokýrorlar memleketke 290 mıllıon teńgeden astam shyǵyn keltirilgenin anyqtady.
О́ńirlik prokýratýradan habarlaǵandaı, Aqsý qalasynyń mamandandyrylǵan aýdanaralyq soty asa iri kólemdegi bıýdjet qarajatyn talan-tarajǵa salý isi boıynsha úkim shyǵardy.
- Aıyptalýshylar qatarynda Aqsý qalasy qurylys bóliminiń burynǵy basshysy men merdiger kompanııa ókili bar. Ekeýi de 7 jyl bas bostandyǵynan aıyryldy. Bul sot prosesi kórsetilimdik sıpatqa ıe bolyp, oǵan memlekettik organdardyń basshylary qatysty, - dep habarlady prokýratýradan.
Úkim zańdy kúshine engen joq.
Pavlodar oblysy
