Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, tek qyrkúıek aıynyń ózinde bul kómekti 789,7 myń otbasy aldy. Onyń ishinde 544,9 myń kópbalaly otbasy – 38,9 mlrd teńge, al 244,8 myń nagradtalǵan ana – 6,6 mlrd teńge kóleminde járdemaqyǵa ıe boldy.
Esterińizge sala keteıik, kópbalaly otbasylarǵa beriletin memlekettik járdemaqy 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylarǵa tabysyna qaramastan umitker bola alady. Tólem mólsheri bala sanyna baılanysty esepteledi. 2025 jyly bul járdemaqylardyń aılyq mólsheri:
- 4 balasy barlarǵa – 63 030 teńge;
- 5 balaǵa – 78 798 teńge;
- 6 balaǵa – 94 565 teńge;
- 7 balaǵa – 110 332 teńge;
- 8 jáne odan da kóp balasy bar otbasylarǵa – ár balaǵa 15 728 teńgeden.
Al nagrada alǵan analarǵa («Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan) aı saıynǵy járdemaqy taǵaıyndalady. 2025 jyly onyń mólsheri:
- «Kúmis alqa» alqasymen nagradtalǵan analarǵa – 6,40 AEK nemese 25 165 teńge;
- «Altyn alqa» alqasymen nagradtalǵan nemese buryn «Batyr Ana» ataǵyn alǵan, I jáne II dárejeli «Ana dańqy» ordenderimen nagradtalǵan analarǵa – 7,40 AEK nemese 29 097 teńge.
Aıta ketsek, 2025 jyldyń 1 qańtarynan bastap balaly otbasylarǵa arnalǵan barlyq memlekettik járdemaqylardyń kólemi 6,5%-ǵa artty.
