Sýret: aqiqat.kazgazeta.kz
«Kitaphana isi, aqparatty óńdeý jáne arhıv isi» boıynsha memlekettik bilim tapsyrysy eki ese ósken. Bakalavrıat boıynsha grant sany 20-dan 100-ge deıin kóbeıdi. Memleket basshysynyń tapsyrmasyna sáıkes arhıv jáne kitaphana salasyna maman daıarlaýǵa elimizdiń bes óńirine qosymsha 89 grant bólindi.
Jambyl oblysyndaǵy Qordaı jáne Jambyl aýdandyq arhıvterine, Aqtóbe oblysyndaǵy Temir aýdandyq arhıvine, sondaı-aq Astanadaǵy Prezıdent arhıvine jańa ǵımarattar paıdalanýǵa berildi.
2023 jyly Prezıdent bastamasymen jas jazýshylar men aqyndarǵa arnalǵan prezıdenttiń arnaıy ádebı syılyǵy taǵaıyndaldy. Syılyq «Proza», «Poezııa», «Balalar ádebıeti» jáne «Dramatýrgııa» atalymdary boıynsha ár jeńimpazǵa júlde qory – 4,1 mıllıon teńge. Memleket basshysynyń 2023 jyly Túrkistanda ótken Ulttyq quryltaıda bergen tapsyrmasyna sáıkes «Qazaqstannyń halyq jazýshysy» qurmetti ataǵyn qaıta engizý – qalamgerler eńbeginiń resmı baǵalanýy.
Bıyl 23 sáýirde Memleket basshysynyń bastamasymen Ulttyq kitap kúni alǵash ret atalyp ótti. Mereke barysynda «Ulttyq kitap» baıqaýynyń jeńimpazdary marapattaldy.
«Arhıv – 2025» jobasy aıasynda 14 elden myńnan astam biregeı tarıhı qujat jınaldy. Sáıkesinshe, Ulttyq arhıv halyqaralyq yntymaqtastyqty damytty. Saýd Arabııasy, Reseı, Lıtva, Túrkııa elderiniń arhıvterimen memorandýmdarǵa qol qoıylyp, qujattyq murany sıfrlandyrý jáne saqtaý jobalary júzege asyryldy.
Qazaqstan Jazýshylar odaǵy Arhıv, qujattama jáne kitap isi komıtetiniń qoldaýymen úsh iri jobany júzege asyryp jatyr. Atap aıtqanda, «Jańa Qazaqstannyń ádebı-tanymdyq panoramasy», «Jazýshylardyń ádebı sheberlik mektebi» bilim platformasy jáne TMD elderiniń arhıvterinde otandyq avtorlardyń shyǵarmashylyǵyn zertteý boıynsha ǵylymı baǵdarlama.
Búginde respýblıka boıynsha Prezıdent arhıvi men tórt arnaıy memlekettik arhıvti qosa alǵanda, barlyǵy 236 arhıv mekemesi jumys isteıdi. Ulttyq arhıv qorynda 74,5 myń qordy qamtıtyn 27,8 mıllıonnan astam saqtaý birligi bar.
