Kezdesý aıasynda taraptar densaýlyq saqtaý salasyndaǵy ózara yntymaqtastyq týraly memorandýmǵa qol qoıdy. Eki tarap bolashaqta medısınalyq tájirıbe jáne aqparat almasý, halyqaralyq jobalardy birlesip júzege asyrý, zamanaýı emdeý ádisteri men tehnologııalaryn engizý, qazaqstandyq medısına qyzmetkerlerin Ońtústik Koreıada oqytý jáne biliktiligin arttyrý (stajırovka, semınar, master-klass) jáne kúrdeli aýrýlar boıynsha kásibı keńester ótkizý sekildi baǵyttarda birlesip jumys isteýge ýaǵdalasty.
Narıman Tóreǵalıev óz sózinde halyqaralyq seriktestiktiń óńirlik medısına júıesin damytýdaǵy mańyzdylyǵyn atap ótip, mundaı bastamalar turǵyndardyń densaýlyǵyn jaqsartýǵa jáne medısınalyq qyzmettiń sapasyn arttyrýǵa yqpal etetinin jetkizdi.
Taraptar uzaq merzimdi jáne ózara tıimdi áriptestik ornatýǵa daıyn ekendigin bildirip, naqty jobalar boıynsha birlesken jumysty bastaýǵa nıet tanytty.
Batys Qazaqstan oblysy
