Memlekettiń qoldaýymen megapolıs avtoparki S klasty 12 reanımobıl men V klasty 38 avtokólikpen tolyǵa tústi. Barlyq kólikter zamanaýı medısınalyq qurylǵylarmen tolyq jabdyqtalǵan jáne halyqaralyq talapqa tolyq saı keledi.
Qala basshysy avtoparktiń jańarýy Almatydaǵy densaýlyq saqtaý júıesin modernızasııalaýdyń mańyzdy bóligi ekendigin atap ótip, bul shara shuǵyl medısınalyq kómektiń sapasy men jedeldigin arttyrýǵa múmkindik beretinin atady.
«Almaty – elimizdegi eń iri ári qarqyndy damyp kele jatqan megapolıs. Munda turǵyndarǵa ýaqytyly ári sapaly medısınalyq kómek kórsetý erekshe mańyzdy. Zamanaýı jabdyqtalǵan jańa avtokólikter dárigerler men júrgizýshilerge senimdi kómekshi bolady. Sizderdiń eńbekterińizdiń arqasynda kún saıyn myńdaǵan adamnyń ómiri qutqarylady. Biz sizderdiń kásibılikterińizdi jáne halyqqa adal qyzmetterińizdi joǵary baǵalaımyz», dedi Darhan Satybaldy.
Búginde Almaty qalasynyń Jedel medısınalyq járdem qyzmeti 14 beket pen 188 shuǵyl qyzmet brıgadasynan turady. Dıspetcherlik ortalyq táýligine shamamen 3 myń qońyraý qabyldaıdy, al brıgadalar kúnine 2600-ge jýyq shaqyrtýǵa shyǵady.
