Fotolar: icloud.com
Kórme ekspozısııasy kóshpendi órkenıetiniń jadyna – Uly dalanyń dástúrleri, rýhanı qundylyqtary men mádenıetine arnalǵan. Sýretshiniń eńbekteri ótken men bolashaqty baılanystyryp, urpaqtar sabaqtastyǵyn pash etedi.
Kórmede usynylatyn týyndylar:
- gobelender – jańa keńistiktik tereńdikti beıneleıdi;
- sýret óneri – jarqyn palıtra, organıkalyq pishinder men ekspressıvti máner;
- keramıka – ata-babalar jadynyń belgisi;
- kıim kolleksııalary – ulttyq órnekti keste men applıkasııa arqyly kóshpendi mádenıetiniń zamanaýı túsindirmesi.
Balnur Asanova – ónertaný kandıdaty, «Symbat» sán akademııasynyń art-dırektory, halyqaralyq konkýrstardyń laýreaty. Ol Reseı, Dýbaı, AQSh jáne Qazaqstandaǵy sán aptalyqtaryna qatysyp, eńbekteri Túrkııa, Avstrııa, Egıpet, Fransııa, Germanııa, Nıderlandy, Italııa, Shvesııa, AQSh elderinde kórmege qoıylǵan. Sondaı-aq onyń týyndylary álemniń jeke kolleksııalarynda saqtaýly tur.
Kórme kúnderi: 16-25 qazan 2025 jyl
Jumys ýaqyty: kún saıyn 10:00-17:00
Mekenjaı: Etihad Modern Art Gallery, V15, Al Huwelat St. Al Bateen, Abý-Dabı, BAÁ / Kirý tegin
