Atalǵan klýb bıyl 5 qyrkúıekte ashylyp, jasóspirimder tarapynan qoldaý tapqan bolatyn. Sabaq barysynda shekarashylar balalarǵa shekara qyzmetinde qoldanylatyn áskerı tehnıka, qarý-jaraq úlgileri, baılanys quraldary men arnaıy kıim túrlerin tanystyrdy. Sondaı-aq shekaralyq baqylaýda paıdalanylatyn zamanaýı tehnıkalyq qurylǵylar kórsetildi.
Bul kúnniń erekshe sáti – jańa qatysýshy Rýstam Syzdyqovtyń saltanatty ant qabyldaý rásimi boldy. Áskerı antty qabyldaý rásimin «Zastava tarlandary» respýblıkalyq qoǵamdyq birlestiginiń ardagerleri ótkizdi.
Jas shekarashylar ózderin naǵyz áskerı ortada sezinip, olardyń arasynan klýb múshesi Tımofeı Vorobev óz qýanyshyn jasyra almaı: «Maǵan búgingi sabaq óte unady. Biz shekarashylardyń erlikke toly ómirimen tanysyp, olardyń eńbegine qurmetpen qaraýdy úırendik. Ardagerler men shekaryshy quramyna shyn júrekten alǵys aıtamyz», dedi.
Is-shara sońynda balalar men shekarashylar estelik sýretke túsip, jyly lebizdermen bólisti. Bul kezdesý jas býynnyń júregine patrıottyq rýh pen Otanǵa degen súıispenshilikti uıalatqan taǵylymdy kún boldy.
