Ulytaý oblysynyń ákimi Dastan Ryspekov sala qyzmetkerlerin merekemen quttyqtap, el ekonomıkasy men óńirdiń órkendeýine qosqan qomaqty úlesin atap ótti.
«Sizderdiń qajyrly eńbekterińizdiń arqasynda elimizde jolaýshylar men júk tasymalynyń úzdiksizdigi qamtamasyz etilip, avtojol ınfraqurylymy jyldan jylǵa jańaryp keledi. Qalalyq kólik júıesin jańartý jáne qala kelbetin jaqsartý, turǵyndarǵa jaıly qozǵalysty qamtamasyz etý maqsatynda 17 jańa avtobýs satyp alyndy. Sonymen qatar Memleket basshysynyń tapsyrmasyna sáıkes, bıyl Ulytaý oblysy boıynsha tórt temirjol vokzalyna jańǵyrtý jumystary qolǵa alyndy. Aldaǵy ýaqytta Jezqazǵan, Qarajal, Jańaarqa jáne Qyzyljar stansııalary jańa keıipke enbek», dedi oblys ákimi.
Eńbegimen eleýli bolǵan sala qyzmetkerleri «Qurmetti jolshy» tósbelgisi, QR Kólik mınıstrliginiń Qurmet gramotasy jáne Alǵyshaty, Ulytaý oblysy ákiminiń Qurmet gramotasy jáne Alǵyshatymen marapattaldy.
Saltanatty jıyn sońy jergilikti ónerpazdar men elimizge tanymal estrada juldyzdary Qanat Úmbetov pen Baljan Bıdashtyń qatysýymen ótken konserttik baǵdarlamaǵa ulasty.
Ulytaý oblysy
