Saran ındýstrııalyq aımaǵy mashına jasaý men óńdeý ónerkásibiniń ósý núktesine aınaldy: búginde munda álemdik standarttarǵa saı ónim shyǵaratyn birneshe kásiporyn jumys isteıdi, myńdaǵan jumys orny quryldy. Sol jobalardyń ishinde Qazaqstanda balamasy joq «TEMPO-Qazaqstan» qubyr zaýytynyń qurylysy aıaqtalýǵa jaqyn. Qazir óndiristik alańda iske qosý-retteý jumystaryna daıyndyq júrip jatyr. Kásiporynnyń jobalyq qýaty – jylyna 300 myń tonnaǵa deıin. Zaýyt dıametri 57-630 mm aralyǵyndaǵy elektrdánekerlengen jáne profıldi bolat qubyrlardy shyǵarady. О́nim munaı-gaz, qurylys ındýstrııasy jáne TKSh salalarynda qoldanylady. Kommýnaldyq sektor úshin jylý joǵaltýdy azaıtatyn aldyn ala oqshaýlanǵan qubyrlar óndirisi jolǵa qoıylady.
Zaýyt iske qosylǵanǵa deıin-aq kadr irikteý júrip jatyr: ınjenerler, operatorlar, logıstıka jáne satý mamandary qajet. Úmitkerler túıindemesin hr@tempo.kz poshtasyna joldaı alady. Kompanııa Qaraǵandy oblysynyń Bilim basqarmasymen memorandým jasasyp, stýdentterge naqty mamandyqtar boıynsha oqytý men óndiristik tájirıbe uıymdastyrady. Túlekterge jumysqa ornalasýda basymdyq beriledi.
Qaraǵandy oblysy
Saran qalasy
