Eki el ýnıversıtetteri arasyndaǵy áriptestik

Jýyrda osyǵan baılanysty túrkııalyq Gazı oqý ornynyń rektory Ýgýr Ýnal bastaǵan delegasııa Shymkentke arnaıy issaparmen keldi. Qo­naq­tar jumys sapary barysynda qala ákimi Ǵabıt Syz­dyqbekovpen kezdesti. Júz­desý barysynda taraptar fılıal ashý jumysyn úı­lestirý men barlyq qajetti dúnıelermen qamtamasyz etý máselesin talqyǵa saldy. Túrkııalyq ýnıversıtet bólimshesi stýdentter qabyldap oqytý úshin de tıisti ınfraqurylymmen qamtamasyz etilýi kerek. Qala ákimi óz sózinde bul bastama Memleket basshysynyń bilim salasyndaǵy halyqaralyq yntymaqtastyqty keńeıtý úshin sheteldiń aldyńǵy qatarly ýnıversıtetteriniń fılıaldaryn ashý kerektigi jóninde bergen tapsyrmasy aıasynda júzege asyp jatqanyn jetkizdi. So­nymen birge shahar basshysy Gazı ýnıversıtetiniń Shymkenttegi fılıaly bilim sapasyn arttyrýǵa, ha­lyqaralyq akademııalyq yntymaqtastyqty da­my­týǵa, elimiz ben Túrkııa arasyndaǵy dostyq baılanysty nyǵaıtýǵa zor úles qosatynyna senim bildirdi. Aıta ketý kerek, Gazı ýnıversıteti – Túrkııa­nyń eń iri ári bedeldi oqý oryndarynyń biri. Ol sondaı-aq «QS World Univer­sity Rankings by Subject 2024» reıtıngisinde «Bilim berý jáne kadrlardy daıar­laý» baǵyty boıynsha 36-oryn ıelengen. Bul atal­ǵan oqý ordasynyń álem­dik deńgeıdegi bedelin kórsetedi.

Túrkııanyń delegasııasy О́zbekáli Jánibekov atyndaǵy OQPÝ basqarma tóraǵasy-rektor mindetin atqarýshy Álibek Nurtaev bastaǵan ujymmen de kezdesti. Á.Nur­taev qonaqtardy ýnı­versıtettiń tynys-tir­shi­li­gimen tanystyrdy. Gazı oqý ordasynynń ókilderi Jánibekov ýnıversıtetindegi arheologııalyq ortalyqtyń mamandary zerttep, jasaq­taǵan ejelgi dáýir jádiger­leri arqyly qazaq halqynyń baı murasy men tarıhyna qanyqty.

О́.Jánibekov atyndaǵy OQPÝ rektory mindetin atqarýshy Á.Nurtaev qonaq­tarmen resmı júz­desýde bedeldi oqý orny bólim­shesiniń Shymkentten ashylýy myqty kadr daıar­laý isine úlken serpin be­retinin jetkizdi. О́.Jánibekov ýnıversıteti burynnan pedagogter daıarlaýdyń us­ta­hanasy edi. Endi jańa fılıal­men bolashaq ustazdardy túletip ushyrýda jańa sapaly deńgeıge kóteriledi. Prezıdent Qasym-Jomart Toqaevtyń da kózdegen maq­saty osy bolatyn. Iаǵnı sheteldik aıtýly oqý oryndarymen áriptestik baılanysty nyǵaıtý arqyly ózara tájirıbe almasyp, bilikti de bilimdi mamandardy oqytyp shyǵarý. Gazı ýnıversıtetiniń fılıaly – Memleket basshysynyń sol bastamasynyń alǵashqy qarlyǵashy.

«Eki el Prezıdentiniń kelisimimen Gazı ýnıversıteti fılıalynyń ashylýy biz úshin mártebe jáne zor jaýapkershilik. О́ıtkeni bul jobanyń sátti júzege asyp ketýine birinshi kezekte biz múddelimiz. Sebebi qazaq eline álemdik deńgeıde básekege túse alatyn kadr men olardy tárbıelep shyǵaratyn ha­lyqaralyq tájirıbe kerek. Ony bizge usynatyn, bul turǵyda jan-jaqty qoldaý kórsete alatyn baýyrlas eldiń Gazı ýnıversıteti. Sondyqtan bilim jaǵynan ózara yn­tymaqtastyq pen baılanys­ty fılıal ju­mysynyń aıasynda kúsheıtemiz. Mundaı basta­manyń qoldaý taýyp sátti iske asyp jatqanyna óte qýanyshtymyz. Pedagogıka salasyna memleket erekshe kóńil bóle bastady. Sonyń biri búginde muǵalimderdiń áleýmettik máselesi túbegeıli sheshilgen desek bolady. Ustazdarǵa arnalǵan arnaıy zań qabyldanyp, olar­dyń quqyǵy jan-jaqty qorǵalyp otyr. Sonyń nátı­jesinde keıingi jyldary pedagogter mártebesi men bedeli joǵarylaı tústi. Al bul óz kezeginde mektep túlekteriniń pedagogıkalyq mamandyq tańdaýǵa degen qul­shynystaryn oıatty. Endigi kezekte sapaly kadr daıarlaý isine kóńil bólýimiz kerek. Elimizdi keleshekte órge súıreıtin, jarqyn bolashaqqa bastaıtyn ártúrli salanyń mamandary. Olardy oqytatyn, jastaıynan saýatyn ashyp bilim beretin muǵalimder. Sondyqtan birinshi kezekte oqytýshynyń tájirıbesi men biliktilik deńgeıi joǵary bolýǵa tıis. Ol oqýshynyń nemese stýdenttiń bilimge degen yntasyn oıatyp, ishte bulqynyp jatqan talantyn asha bilýi kerek. Osy maqsattyń tóńireginde túr­kııalyq áriptes baýyrlarmen tize qosyp, ıyqtasa birge jumys isteımiz degen oıdamyn. Túbimiz bir túrki halyqtary bolǵandyqtan, dástúrimiz ben dinimiz de ortaq. Aldaǵy ýaqytta bir­lesken jumys nátı­jesinde eki el bolashaǵy úshin básekege qabiletti myqty mamandar daıarlaımyz dep senemin», dedi Á.Nurtaev.

О́z kezeginde Gazı ýnıver­sıtetiniń rektory Ýgýr Ýnal fılıaldyń qurylýyna sebep bolǵan eki el Prezıdentiniń dostyq qarym-qatynasy men sonyń aıasynda jasalǵan kelisimsharttar ekenin má­limdedi. Onyń aıtýynsha joǵary oqý oryndary arasynda áriptestik baılanys­tar árdaıym bolady. Al qosymsha fılıaldyń ashylýy sol qarym-qatynastyń eń bıik shyńy degen oıyn jetkizdi. Bul rette Gazı ýnıversıtetiniń bólimshesi Qazaqstannyń bilim salasy naryǵyndaǵy suranysqa saı bilikti mamandar daıarlaý isimen aınalysatyn bolady.

Qazirgi tańda Qazaqstan tarapynan fılıaldy ádi­let organdaryna tirkeý jumysy júrip jatyr. Issapar aıasynda fılıal jumy­syn retteıtin ekijaqty kelisim­shartqa qol qoıyldy. Keli­sim­­shartta fılıalǵa bilim­ger qabyldaý tártibi men sharttary, olardyń oqý úlgerimine saı aýysý sharttary, fılıaldy basqarý formasy, qarjylandyrý tetikteri, ınfraqurylymmen qamta­masyz etý, qyzmetker alý jáne dıplom berý sııaqty negizgi máseleler qamtyldy. Osyǵan baılanysty elimizdiń zańnamasyna saı keletin keıbir qosymsha erejeler men reglamentter qosymsha daıyndalý ústinde.

Túrkııalyq delega­sııa­nyń kelýine oraı uıym­dastyrylǵan ǵylymı keńes májilisinde Gazı ýnıver­sıtetiniń rektory Ýgýr Ýnal­ǵa О́zbekáli Jánibekov atyndaǵy OQPÝ-diń qurmetti professory ataǵy berildi.

ShYMKENT