Onyń aıtýynsha, árqaısymyz balany qorǵaýda sheshýshi ról atqara alamyz. Bastysy balaǵa qatysty kez kelgen keleńsiz jaǵdaıda beıjaı qalmaǵan jón. О́ıtkeni adamdardyń qyraǵylyǵy men belsendi ustanymy qaıǵyly jaǵdaıdyń aldyn alyp, balanyń densaýlyǵyn, tipti ómirin saqtap qalýy múmkin.
«Qazaqstan Respýblıkasynyń Ákimshilik quqyq buzýshylyq týraly kodeksiniń 127-1-babyna sáıkes, kámeletke tolmaǵandarǵa qatysty nemese olardyń tarapynan jasalǵan quqyqbuzýshylyqtar týraly bilim berý, densaýlyq saqtaý, halyqty áleýmettik qorǵaý uıymdary qyzmetkerleriniń habarlamaýy jaýapkershilikke ákeledi. 2025 jyldyń alǵashqy 9 aıynda osy bap boıynsha 268 adam ákimshilik jaýapkershilikke tartyldy. 2024 jyly 348 adam jaýapqa tartylǵan edi. Bul sandardyń árqaısysy – qorǵaýsyz qalǵan bir balanyń taǵdyry. Bul balalarǵa senýdiń, alańdatarlyq belgilerdi eleýsiz qaldyrmaýdyń, kómekti keshiktirmeýdiń qanshalyqty mańyzdy ekenin eske salady. Keıde bir qońyraý balanyń ómirin saqtap, ony qaýipten arashalap qalýy múmkin. Habarlaý – jaı ǵana formaldi áreket emes, azamattyq jaýapkershilik pen adamgershiliktiń kórinisi. «111» baılanys ortalyǵy táýlik boıy, anonımdi ári senimdi túrde jumys isteıdi. Eń bastysy – únsiz qalmaý jáne nemquraıly bolmaý», dedi komıtet basshysy.
