Foto: Qazaqstan regbı federasııasy baspasóz qyzmeti
Omandaǵy eki kúndik jarys toptyq jáne pleı-off kezeńinen turdy. Qazaqstan quramasy Qyrǵyzstan (44:0), Saýd Arabııasy (27:0) jáne Katardy (34:7) jeńip, óz tobynda kósh bastady. Jartylaı fınalda Aýǵanstandy 41:0 esebimen tize búktirgen otandastarymyz fınalda Úndistan quramasyn 27:0 esebimen oısyrata utty.
Osylaısha, Qazaqstan komandasy týrnır boıy barlyǵy 173 upaı jınady. Mundaı nátıjemen ulttyq quramanyń Azııa regbı tarıhynda alǵash ret Division 1 deńgeıine kóterilýi – úlken jetistik. Sonymen, fınalǵa shyqqan eki el – Qazaqstan men Úndistan joǵary dıvızıonǵa joldama alsa, О́zbekstan men Taıbeı tómengi lıgaǵa tústi.
