HALYQ KÚShI – QAINAR BULAQ

Qazaqstan halqy Assambleıasynyń keńesi el azamattaryna úndeý arnady. Onda bylaı delingen: Qazaqstan egemendikke ıe bol­ǵan alǵashqy kúnnen bastap Pre­­zıdent N.Á.Nazarbaevtyń mem­­­leket saıasatynyń basty baǵy­tyna aınaldyrǵan beıbitshilik pen qoǵamdyq kelisim ıdeıasy qoǵam­daǵy turaqtylyq pen halyqtyń áleýetin arttyrýdyń basty usta­ny­myna aınaldy. Sóıtip, respýb­lıkamyz álemdik órkenıetke aý­yz­birshilik pen dostyqtyń, ózara qurmet pen senimniń ozyq úlgisin kórsetip, beıbit tártip pen eldiń syndarly órkendeýin qamtamasyz etti. Biz búgin, elimizdiń Tuńǵysh Prezıdenti N.Á.Nazarbaevtyń to­leranttylyq jáne qoǵamdyq ke­lisim, ulttyq birlik pen yntymaq saıasaty álemdik qaýymdastyq tarapynan moıyndalǵanyn maqta­nyshpen sezinemiz. Buǵan naqty dálel – Qazaqstannyń EQYU-ǵa tóraǵalyq etýi. Sheteldik saıası qaıratkerler bizde etnosaralyq toleranttylyq pen qoǵamdyq kelisimniń aıryqsha úlgisi qalyptasqanyn, sondaı-aq Qazaqstan halqy Assambleıasynyń qoǵamdyq turaqtylyqty saqtaý­shy mańyzdy quralǵa aınalǵanyn biraýyzdan atap júr. Qazaqstan halqy Assambleıasy dúnıege kelgen alǵashqy sátten bastap ol adamı qundylyqtar men qaǵıdattardy nyǵaıtý arqyly, barlyq qazaqstandyq etnostardy óz qanatynyń astyna uıystyra otyryp, tynbas eńbek pen ortaq mindetterdi iske asyrý arqyly kúrdeli joldan ótti. Sóıtip, qyzmetin konsýltatıvtik-keńesshi organ retinde bastaǵan QHA óz mártebesin konstıtýsııalyq turǵyda bekitip, irgeli qoǵamdyq ınstıtýtqa aınaldy. Biz, Qazaqstan halqy Assam­bleıasynyń músheleri, Táýelsizdik ıdealdaryn júzege asyrýǵa arnal­ǵan beıbitshilik pen kelisim saıa­satyn, Tuńǵysh Prezıdent – El­basy týraly zańdardy tolyqtaı qoldaıtynymyzdy atap kórset­ki­miz keledi. Atalǵan zańdar qoǵam­nyń Ult kóshbasshysynyń talas­syz tulǵalyq beınesine degen úlken qurmetin aıqyndady. Ult kóshbasshysy mártebesin zańdastyrýdyń tarıhı máni erek­she. Bul – biz úshin mańyzdy, bul keler urpaq úshin de kerek. Bul – Qazaqstannyń qaryshtap damýy­nyń, negizgi qundylyǵymyz – Táýelsizdikti nyǵaıtý ıdeıasy arqyly uıysýdyń kepili. Biz barlyq qoǵamdyq kúshterdi beıbitshilik pen aýyzbirshilikti baǵalaýǵa, tatýlyqta turmys ke­ship, aıtylǵan árbir sóz ben atqa­rylǵan iske jaýapty bolýǵa, Qa­zaq­stan halqynyń basty qun­dy­lyǵy – beıbitsúıgishtik, tózim­di­lik pen ózara qoldaý qasıetterine uqypty qaraýǵa shaqyramyz. Biz Qazaqstan halqyn Ult kósh­basshysy, beıbitshilik pen qoǵam­dyq kelisim kepili, Nursul­tan Ábish­uly Nazarbaevtyń ja­­­ny­na uıysýǵa sha­qyramyz, delingen úndeýde.