Sońǵy jyldary shetelge baryp jumys isteıtin qazaqstandyqtardyń kórsetkishi birtindep tómendep keledi. 2023 jyldan beri bul baǵyttaǵy mıgrasııa azaıǵany baıqalady. Al bıylǵy jyldyń toǵyz aıynda 156 myńnan astam otandasymyz shet memleketterde nápaqasyn taýyp júr.
Qazirgi tańda olardyń eń kóbi Reseıde – shamamen 128 myń adam. Ońtústik Koreıada 15 myńǵa jýyq, Polshada 2,6 myń, al Ulybrıtanııada 1,4 myńdaı qazaqstandyq eńbek etedi.
Qazaqstan azamattarynyń eńbek quqyǵyn qorǵaý úshin úkimet birqatar eldermen ózara yntymaqtastyq týraly memorandýmdarǵa qol qoıǵan.
