Uıymdastyrýshylardyń málimetinshe, 21 jastaǵy Dana Almasova – Miss Universe Qazaqstan 2024 ataǵynyń ıegeri. Ol osy jyly álemdik sulýlyq sahnasynda el atynan óner kórsetý qurmetine ıe boldy.
Dana Qostanaıda dúnıege kelgen, joǵary bilimin Túrkııadaǵy Anatolıı ýnıversıtetinde alǵan. Baıqaýǵa qatysýdaǵy basty maqsaty – qazaqstandyq arýlardyń sulýlyǵyn, darynyn jáne rýhanı kúshin álemge tanytý, sondaı-aq óz eliniń qyzdaryn óz-ózine senýge jáne jańa jetistikterge umtylýǵa shabyttandyrý.
«Men elimdi laıyqty túrde tanystyrý úshin bar kúsh-jigerimdi salamyn jáne úzdikter qataryna enýge tyrysamyn», – dedi Dana Almasova.
Baıqaý uıymdastyrýshylarynyń Instagram paraqshasynda habarlanǵandaı, keshe Danany Bangkokqa shyǵaryp salý rásimi ótti. Qatysýshyny 19 qarashaǵa deıin qarqyndy daıyndyq – jattyǵýlar, repetısııalar jáne túrli is-sharalar kútip tur.
Sulýlyq baıqaýynyń ashylý saltanaty 19 qarashada ulttyq kostıýmder kórsetiliminen bastalyp, fınaldyq kezeń 21 qarashada ótedi.
Aıta keteıik, bıylǵy 74-shi “Miss Universe” baıqaýyna álemniń 125-ten astam elinen qatysýshy arýlar jınalady.
