Foto: gov.kz
Oqý-aǵartý mınıstrliginiń málimetinshe, bıyl 157 myń oqýshy ornyna laıyqtalǵan 105 jańa mektep paıdalanýǵa berilgen. Onyń ishinde 135 myń balaǵa arnalǵan 71 mektep «Keleshek mektepteri» ulttyq jobasy aıasynda salynǵan.
Jańa mektepterdiń basym bóligi Túrkistan, Mańǵystaý, Almaty, Aqtóbe jáne Jambyl oblystarynda ashylǵan.
Atalǵan ulttyq joba aıasynda jalpy 460 myń orynǵa arnalǵan 217 zamanaýı mektep salý josparlanǵan, onyń 40%-dan astamy aýyldyq jerlerde boı tiktep jatyr.
Jańa formattaǵy mektepter burynǵy tıptik mektepterden edáýir erekshelenedi. Máselen, jańa úlgidegi mektepterdiń jalpy aýmaǵy 15-20%-ǵa úlken, al tehnıkalyq jabdyqtalý deńgeıi tórt ese joǵary. Ár mektepte robototehnıka kabınetteri, STEM-zerthanalar, horeografııa zaldary, kovorkıng aımaqtary men tórtke deıin sport zaly qarastyrylǵan.
Qazir shaǵyn qalalarda, aýdan ortalyqtarynda jáne aýyldarda ornalasqan 1000 mektep jańǵyrtylyp jatyr. Baǵdarlama aıasynda kúrdeli jóndeý jumystaryn júrgizý, jıhazdardy jańartý, kitaphanalar, ashanalar men qaýipsizdik júıelerin jańǵyrtý qarastyrylǵan.
Kelesi kezeńde mektepterdiń ınfraqurylymyn biryńǵaı zamanaýı formatqa kóshirý boıynsha jumystar júzege asyrylady.
