Foto JI kómegimen jasaldy
Jańa nysan aýyl turǵyndary men mal sharýashylyǵymen aınalysatyn azamattarǵa sapaly veterınarııalyq qyzmet kórsetedi. Pýnkt aýmaǵynda veterınarııa mamandarynyń janýarlardy egý jáne emdeý jumystaryna arnalǵan arnaıy aýlamen qamtamasyz etilgen. Endi jergilikti turǵyndar janýarlar aýrýlaryn aldyn alyp, emdeı alady.
Búginde Ulytaý oblysy boıynsha barlyǵy 35 veterınarııalyq pýnkt jumys isteıdi. Olardyń barlyǵy aýdandyq ákimdikter men veterınarııalyq stansııalardyń ǵımarattarynda ornalasqan. Al Túgisken aýylyndaǵy jańa pýnkt – jeke ǵımarat retinde aýyl syrtynda ornalasqan alǵashqy nysandardyń biri.
Bul joba — Ulytaý oblysynda veterınarııa salasyn damytý, janýarlardy qorǵaý jáne aýyl turǵyndarynyń qaýipsizdigin arttyrý baǵytyndaǵy mańyzdy qadam bolyp tabylady.
Aıta ketý kerek, kelesi jyly 18 veterınarııalyq pýnkt jáne bir veterınarııalyq stansa salý josparda bar.
Ulytaý oblysy
