Fotolar: primeminister.kz
«Elderimizdiń kóshbasshylary Qasym-Jomart Toqaev pen Belarýstiń Prezıdenti Aleksandr Lýkashenkonyń saıası erik-jigeri men turaqty baılanysynyń arqasynda eki el arasyndaǵy qarym-qatynas qarqyndy damyp keledi jáne barlyq deńgeıdegi senimdi dıalog pen strategııalyq sıpatqa ıe. Qazaqstan Úkimeti saýda-ekonomıkalyq jáne basqa da qarym-qatynastarymyzdyń qarqyndy ári ózara tıimdi negizde damýy úshin bar kúsh-jigerin salýǵa daıyn», dep atap ótti Oljas Bektenov.
Belarýs Premer-mınıstri Aleksandr Týrchın Qazaqstannyń saýda-ekonomıkalyq qatynastardaǵy myqty seriktesi ekenin aıtty.
«Sondyqtan biz bul baılanystardy barlyq jaǵynan da damytýǵa daıynbyz. Bizdiń búgingi kezdesýimiz Belarýs pen Qazaqstan arasyndaǵy dıalogti nyǵaıtý men keńeıtý prosesine qosymsha serpin beretinine, ony jańa mazmunmen toltyratynyna senimdimin», dedi Belarýs Premer-mınıstri Aleksandr Týrchın.
Taraptar ónerkásip kooperasııasyn odan ári damytý jáne birlesken jobalardy júzege asyrý máselelerin talqylady.
Sıfrlyq salada JI elementterin engizý boıynsha tájirıbe almasýǵa basymdyq berilip otyr.
Aýyl sharýashylyǵynda AО́K ónimderin qaıta óńdeý jáne óndirý jobalaryna basa nazar aýdarylmaq. Salanyń tıimdiligin arttyrý úshin agrarlyq ǵylymdaǵy yntymaqtastyqqa asa mán beriledi. Otandyq dıqandar bıyl aýyl sharýashylyǵy daqyldarynan mol ónim jınady, mundaı kórsetkishke olar bir jaǵy agrotehnologııalardy qoldaný nátıjesinde qol jetkize aldy.
Kezdesýge qatysýshylar kólik jáne logıstıka salasyndaǵy ózara is-qımyldyń mańyzdylyǵyn atap ótti. Salalyq vedomstvolardyń úılesimdi jumysy eki memleket arasyndaǵy temirjol jáne avtomobıl tasymaldaryn úzdiksiz qamtamasyz etedi. Sonymen qatar jańa eksporttyq naryqtarǵa shyǵý úshin kólik dálizderin damytýda zor áleýet bar.
Sondaı-aq óńiraralyq yntymaqtastyq jáne mádenı-gýmanıtarlyq saladaǵy ózara is-qımyl máseleleri de talqylandy.
Kezdesý qorytyndysy boıynsha Qazaqstan men Belarýs premer-mınıstrleriniń qatysýymen ekijaqty birqatar qujatqa qol qoıyldy:
-
Qazaqstan Respýblıkasynyń О́nerkásip jáne qurylys mınıstrligi men Belarýs Respýblıkasynyń О́nerkásip mınıstrligi arasyndaǵy ónerkásiptik kooperasııa salasyndaǵy yntymaqtastyqty damytýdyń 2026–2028 jyldarǵa arnalǵan jol kartasy;
-
Astana qalasynyń ákimdigi men Mınsk qalalyq atqarý komıteti arasyndaǵy 2026–2028 jyldarǵa arnalǵan saýda-ekonomıkalyq, ǵylymı-tehnıkalyq jáne mádenı yntymaqtastyq týraly jol kartasy;
-
Almaty oblysynyń ákimdigi men Vıtebsk oblystyq atqarý komıteti arasyndaǵy saýda-ekonomıkalyq, ǵylymı-tehnıkalyq, mádenı-gýmanıtarlyq salalardaǵy yntymaqtastyq týraly memorandým.
