Foto: zhanaqorgan-tynysy.kz
Spıkerdiń aıtýynsha, HH ǵasyrdyń ortasynda bul janýarlar el aýmaǵynan tolyqtaı joıylyp ketken. 1953 jyly Túrikmenstannan Barsakelmeske 7 qulan ákelinip, atalǵan janýarlardy tabıǵatqa qaıta qaıtarý jónindegi júıeli jumystyń bastamasy bolǵan. Ǵalymdar men tabıǵatty qorǵaý uıymdarynyń kópjyldyq eńbeginiń nátıjesinde elimizde qulan popýlıasııasy jeterlikteı qalpyna keltirilgen.
«Búginde olardyń sany 4,6 myń bastan asyp, janýarlar qaıtadan dala jáne shóleıt ekojúıelerinde keńinen taralyp jatyr», dedi D.Turǵambaev.
Aıtýynsha, 2024 jyly «Altyn Emel» ulttyq parkinen 42 qulan «Ile-Balqash» rezervatyna jáne 24 qulan «Altyn Dala» rezervatyna qaıta qonystandyrylǵan. Bıyl kúzde taǵy 17 qulan «Ile-Balqash», 19 qulan «Altyn Dala» rezervattaryna jetkizilgen.
