Stavkalar bank arqyly qabyldanyp, odan soń oıynshylarǵa júıege kirý úshin logın men qupııasóz berilgen.
Qarjylyq operasııalar týystary men úshinshi tulǵalardyń, sonyń ishinde shetel azamattarynyń (dropperlerdiń) atyna rásimdelgen bank kartalary arqyly júrgizilgen.
Jańa oıynshylardy tartý maqsatynda áleýmettik jelilerde oıyn klýbyn jarnamalaıtyn nysanaly jarnama qoldanylǵan.
«Sot úkimimen úsh kináli tulǵa 2 jyl 6 aıdan 4 jyl 6 aıǵa deıingi merzimge bas bostandyǵynan aıyryldy. Memleket paıdasyna 116 mıllıon teńge kólemindegi zańsyz tabys pen «ZEEKR» markaly avtokólik tárkilendi», delingen QMA habarlamasynda.
Úkim zańdy kúshine endi.
Qarjylyq monıtorıng agenttigi zańsyz oıyn bıznesin anyqtaý jáne jolyn kesý boıynsha júıeli jumystardy jalǵastyryp jatyr.
Aıta keteıik, sońǵy eki jylda 105 sotqa deıingi tergeý tirkelgen; 22 jasyryn kazıno, 65 oıyn zaly jáne 441 termınal joıyldy; «Kıberbaqylaý» júıesinde 33 myńnan astam onlaın-kazıno siltemeleri buǵattaldy; zańsyz oıyn bıznesin uıymdastyrǵany úshin 166 adam sottaldy.
