El jáne Elbasy

Sóıtip, bir kúnde 179 otbasy Oral qalasynda salynyp paıda­lanýǵa berilgen syńǵyrlaǵan jańa úıge kelip qonys teptik. Kóp balaly otbasy retinde bizge aýmaǵy at shap­ty­rym alty bólmeli páterdiń kilti syılandy. Qýanyshymyzda shek bolǵan joq, árıne. Osy jáıt esinde qalǵan bolýy ke­rek, arada eki jyl ótken soń qyz­met babymen oblysqa joly túsken kezde: tuńǵyshtyqtar qalaı turyp jatyr degen saýaldy sol kezdegi oblys basshylaryna qoısa kerek. Elbasynyń bul saýalyna jaýap sózben emes, naqty ispen, Nursultan Ábishulynyń jańa qonystaǵy turǵyndarmen kezdesýi arqyly qaıtaryldy. Sol joly Nuraǵa kóp balaly otbasy retinde bizdiń shańy­ra­ǵy­myzǵa bas suǵyp, dastarqanymyzdan dám tatty. Balalarmen tanysyp, til qatysyp qandaı ónerleri bar ekenin surady. Olar Memleket basshysyna bı bılep, taqpaq aıtyp berip bárimizdi rıza etti. Ol kezde tuńǵyshymyz Ásem Aq­tóbe memlekettik medısına akade­mııa­synyń ekinshi kýrsynda oqysa, kenjemiz Aqerke bir jastan jańa ǵana asqan edi. Búginde Ásem joǵary oqý ornyn aıaqtap, mamandyǵy boı­yn­sha qyzmet atqaryp júr. Al ken­jemiz Aqerke bıyl mektep tabaldyryǵyn attamaq. Mine, sodan beri bes jyl syrǵyp óte shyǵypty. Qazir bizder otba­sy­myzda oryn alǵan sol bir baqytty, sáýleli shaqty emirene, tebirene eske alyp otyramyz. Sol kezde Elbasy otbasy múshelerimen birge eskertkish úshin sýretke de túsip edi. Bul sýret Otanymyzdyń bas gazeti “Egemen Qazaqstanda” jarııalandy. Otbasy ıesi, shańyraǵymyzdyń tiregi, ul-qyzdarymyzdyń súıikti ákesi, erim Qamda barǵa qanaǵat ete bi­letin azamat. Mamandyǵy – qara­paıym mehanızator. Ol kenishte is­tegen kezinde sheteldik tehnıka tilin de sheber meńgere bilýimen talaılardy tánti etti. Bizdiń otbasynyń búgingi tilegi egemen elimizdiń tynyshtyǵy men amandyǵy. Respýblıkamyzdyń odan ári dál qazirgideı alǵa qaraı turaqty túrde damyp gúldene berýi. Osy turaqtylyq pen tynyshtyqty saq­taýǵa bar kúsh-jigerin jumsap, eli­mizdi órkenıet kóshi legine bastap kele jatqan Nuraǵamyzǵa uzaq ǵu­myr tileımiz. Jaqsy adamdar eldiń baǵy úshin dúnıege keledi degen ha­lyqtyq qaǵıdaǵa Nursultan Ábish­ulynyń ónegemen órilgen ómirbaıany tolyq aıǵaq bola alady dep sanaı­myz.

Toǵjan ESENBAEVA, kóp balaly ana.

ORAL.

PREZIDENT BALAMYZǴA BATA BERGEN

Biz ol kúndi eshqashan umyta almaımyz. Shardara sý qoımasyna sý tolyp, Syrdyń tasıtyndyǵy tý­raly emis-emis estigenimizben qazaqy keńqoltyqqa salynyp, ondaı bol­maı­tyn shyǵar dep oılaıtynbyz. Erim Erimbetov Asan mal jaıymen qyrǵa ketken edi. Bir ýaqytta ashy aı­qaı shý estildi. Býyrqanǵan sý úıdi basyp qalypty. Áp-sátte tizelikke keldi. Bes balamyz bar. Qyrǵa qaraı júgirdik. Tóbege shyqqan soń qarasaq, tas­qyn sý úıimizdiń terezesine deıin je­tip, erneýinen ishke quıylyp ja­tyr. Sál keshiksek opat bolǵandaı ekenbiz. Ol kezde aýdan ákimi, búginde senator Qýanysh Aıtahanov aǵamyz edi. Bir biz emes Syr jaǵasynda otyrǵan birneshe aýyldy sý alyp ket­kendikten, tótenshe jaǵdaı ja­rııa­landy. Kúni keshe tirshiligimizdi qoǵamdap, bala-shaǵamyzben baqytty ómir súrip otyrǵan biz sol tas­qyn­nan soń qolynda bir dúnıesi joq kembaǵal janǵa aınaldyq. Osynsha jasqa kelgende dalada qaldyq pa degen oı týdy. Áıeldikke sa­lyp, qatty-qatty áńgimeler aıt­tyq. Sol kezde Elbasymyzdyń apat shekkenderge úı salyp berýge Úki­met­ke tapsyrma bergenin estidik. Qýa­nyshta shek joq. Bir-birimizden súıinshi surap júrmiz. Aýyr aıaq edim. “Halqynyń jaǵ­daıyn oılaıtyn Nursultan Nazarbaev sııaqty Prezıdenti bar el qandaı baqytty. Eger ul týsam atyn Nursultan, qyz týsam Sara dep qoıamyn”, dedim ishteı. Dúnıege kishkentaı Saramyz keldi. Prezıdenttiń tapsyrmasymen aqshańqan úıge kirdik. Mundaı úıdi óz qarjymyzǵa sala almas edik. El bolyp qýanyp, Elbasynyń tileýin tiledik. Jańa aýyl salyndy. Elbasy keldi arnaıy. Bizdiń úıge bas suǵyp, qolymyzdan dám tatty. Qyzymyzdy qolyna alyp, mańdaıynan ıiskedi. Bata berdi. Men bul kúndi esh umyta almaı­myn. Bir sátte túksiz qalǵan adam­daryn úıli-jaıly qylyp, qatarǵa qosqanyn aýyl halqy umytpaıdy. Bar bolyńyz, aǵataı...

Alma ARǴYNBAEVA, kóp balaly ana.

Ońtústik Qazaqstan oblysy, Otyrar aýdany, Maıaqum aýyly.