Kórme barysynda óńirdiń ónerkásip, aýyl sharýashylyǵy, energetıka jáne týrızm salalaryndaǵy áleýetin tanystyrdy. Kórmege «Kókshetaý mıneraldy sýlary» aksıonerlik qoǵamy men «Gormolzavod» seriktestigi óz ónimderin usyndy.
Is-shara aıasynda oblys delegasııasy kólik jáne saýda ıntegrasııasy salasyndaǵy yntymaqtastyq týraly kelisimderge, sondaı-aq Aqmola oblysynyń «Qytaı – Ortalyq Azııa» erkin saýda yntymaqtastyǵy platformasynda akkredıtasııasy jáne «Aqmola Invest» ınvestısııalardy damytý ortalyǵynyń ókildigin Szıansý provınsııasynyń Nankın qalasyndaǵy «Ortalyq Azııa» Investısııalyq úıinde ashý týraly strategııalyq negizdemelik kelisimge qol qoıdy.
Ulttyq kórme ortalyǵynda oblys ákimi Marat Ahmetjanov Szıansý provınsııasynyń gýbernatory Lıý Sıaotao jáne Nankın qalalyq partııa komıtetiniń hatshysymen kezdesti. Taraptar saýda-ekonomıkalyq yntymaqtastyqtyń keleshegin, óndiristik jáne logıstıkalyq tizbekterdi damytý máselelerin, sondaı-aq «Bir beldeý – bir jol» bastamasy aıasyndaǵy birlesken ınvestısııalyq jobalardy júzege asyrý perspektıvalaryn talqylady.
Sonymen qatar óńir delegasııasy «Qytaı – Ortalyq Azııa» formatyndaǵy erkin saýda yntymaqtastyǵy platformasyn tanystyrýǵa arnalǵan paneldik sessııaǵa qatysty.
Aqmola oblysy
