Bul usynys apellıasııalyq sot tyńdaýynda aıtyldy. Sot Sarkozıdi bosatý jáne onyń qamaý sharasyn ózgertý máselesin qarastyryp jatyr. Usynys boıynsha eks-prezıdent túrmeden bosatylady, biraq oǵan istegi qatysýshylarmen baılanysýǵa tyıym salynady. Sot sheshimi Astana ýaqytymen saǵat 17:30-da shyǵarylady.
Nıkolıa Sarkozı ne úshin túrmege otyrdy
2023 jylǵy qyrkúıekte sot Sarkozıdi 2007 jylǵy saılaý kezinde Lıvııa bıliginen zańsyz qarjylandyrý alǵany úshin kináli dep tanydy. Nátıjesinde, burynǵy prezıdentke 5 jyl túrme, 100 myń evro aıyppul jáne 5 jyl memlekettik qyzmette bolmaý jazasy taǵaıyndaldy.
Sarkozı bul sheshimdi «qate» dep atap, apellıasııaǵa berdi. Apellıasııalyq is 2026 jyldyń naýryzynda qaralady.
70 jastaǵy saıasatker 21 qazanda túrmege otyrdy.
Nıkolıa Sarkozı — fransýz saıasatkeri, 2007–2012 jyldary Fransııa prezıdenti bolǵan. Kóshi-qon máselelerindegi qatal ustanymymen tanymal. Prezıdenttikten ketkennen keıin de saıası ómirde belsendi bolyp, Respýblıkalyq partııany basqardy. Áıeli — ánshi ári model Karla Brýnı, olardyń bir qyzy bar.
