Atalǵan ortalyqtyń basshysy laýazamyna Nurlybek Saqparov taǵaıyndaldy. Ol 1966 jyly Atyraý oblysynda dúnıege kelgen. Joǵary bilimi bar. Mamandyǵy – ınjener-qurylysshy. Eńbek jolyn 1987 jyly Gýrev oblystyq memlekettik bankinde bastaǵan. Keıin bank, saqtandyrý jáne energetıka salalarynda basshylyq qyzmet atqaryp, turǵyn úı qurylys jınaq banki dırektorynyń orynbasary bolǵan.
2009-2014 jyldary jeke qurylys kompanııalarynda jumys istedi. 2015 jyldan beri Atyraý oblystyq qurylys, sáýlet jáne qala qurylysy basqarmasynda bas maman, bólim basshysy qyzmetterin atqarǵan.
«Ortalyqta jobalyq-smetalyq qujat, tehnıkalyq taldaý jáne saraptama, ekonomıkalyq taldaý jáne monıtorıngileý, quqyqtyq súıemeldeý jáne ákimshilik qoldaý bólimderi jumys isteıdi. Atalǵan bólimderdiń mamandary qurylys, sáýlet, jol, turǵyn úı-kommýnaldyq sharýashylyq pen tabıǵatty paıdalaný salalaryndaǵy ınvestısııalyq usynystardy qaraıdy. Investısııalyq jobalarǵa taldaý jasap, baǵalaý júrgizedi», deıdi Nurlybek Saqparov.
