Onyń Prezıdent tapsyrmasymen salynǵan Qaraǵandydaǵy irgeli ári ilgeri №19 «Keleshek mektebinde» qyzmet etýi de sodan. Jańa mektepte bıylǵy oqý jylynan bastap sabaq beredi. Al buǵan deıin jumys istegen Abaı atyndaǵy mektep-gımnazııasynyń qurylǵanynan bastap búginge deıin órleýine jas pedagogtiń ózindik úlesi bar.
Birshama talantty oqýshylary respýblıkalyq dodalardan top jaryp keldi. Astanada ótken shyǵarmashyl oqýshylar arasyndaǵy «Aqberen» IH respýblıkalyq óner baıqaýynda sheshendik óner atalymynda Erkejan Qanysh esimdi oqýshysy ekinshi oryn ıelengen. Kóp uzamaı Aqtaý qalasynda ótken H respýblıkalyq «Aqberen» oqýlarynan Erkejan shákirti úshinshi oryn aldy. Munymen qosa, V respýblıkalyq «Ishi – altyn, syrty – kúmis sóz jaqsysy…» sheshendik óner baıqaýynda shákirti Abylaı Dúısen birinshi oryn alsa, Sııa Aıbota úshinshi orynǵa qol jetkizdi. Sonymen qosa, Abylaı Abaıdyń 180 jyldyǵyna arnalǵan halyqaralyq Abaı oqýlarynda 180 óleń, 4 poema, 20 qarasóz jattap, III oryn aldy. Shákirtteri Erkejan men Abylaı qazir súıikti ustazdarynyń jolyn qýyp, muǵalim mamandyǵyna oýǵa tústi. Bul jas muǵalim daıarlaǵan oqýshylardyń tek respýblıkalyq saıystardan qol jetkizgen júldeleri. Qalalyq, oblystyq saıystardan top jaryp júrgen shákirtteri de jetip artylady. О́zi de mektep oqyp júrgen kezinde sóz ónerinen túrli saıysqa túsip, top jaryp júripti. Ásirese Mahambet pen Muqaǵalıdy súıip oqyǵan kórinedi. Ekeýiniń barlyq óleńin jatqa bilip, ony órshil rýhpen oqyǵanda tyńdarmandy tańdaı qaqtyrǵan. Talapty ustaz sodan bolar shákirtteriniń jolyn ashyp, shyǵarmashylyǵyn damytamyn dep damyl tappaıdy.
Bilim negizin bala kezinen myqtap qalaǵan ol – Maıqudyqtaǵy ult kósemi Álıhan Bókeıhan atyndaǵy mekteptiń túlegi ári maqtanyshy. Ustaz bolýǵa jastaıynan umtyldyrǵan Kúmis Shmakova men Jańagúl Nurmuhanqyzynyń esimin aýzynan tastamaıdy.
E.Bóketov atyndaǵy Qaraǵandy zertteý ýnıversıtetiniń fılologııa fakýltetinde bilimin tereńdetken Jankeldiniń stýdenttik joly da shyǵarmashyl ortamen tyǵyz baılanysta bolypty.
Onyń týǵan aǵasy Ánýar da tarıh pániniń muǵalimi. Aǵasynan kórgeni bar, óziniń túıgeni bar Jankeldi, sóıtip ustazdyq joldy tańdaǵan.
Eńbek jolyn Suryptaý kentindegi №12 jalpy bilim beretin mektepten bastaǵan. Osy jerde júrip tájirıbe jınaqtaıdy. Sabaq berýdiń túrli ádistemesin meńgeredi. Mekteptiń belsendi ustazy bolǵan ol áýeli balalar boıynda ulttyq bolmysty qalyptastyrýdy kózdeıdi. Tynymsyz izdenedi. Sóıtip júrip, mektep basshylyǵynyń ruqsatymen bilim oshaǵynda oıshyl, rýhanı qaıratker Máshhúr Júsip atyndaǵy konferensııany uıymdastyrýǵa uıytqy bolady. Ondaǵy maqsaty – mektepke Máshekeńniń atyn alyp berýge atsalysý. Biraq keıinnen qalanyń Ońtústik-Shyǵys aýdanyna qonys aýdarǵandyqtan qazirgi qyzmet etip júrgen Abaı mektebine aýysyp, oıǵa alǵan sharýasy aıaqsyz qalady.
«Keleshek mektebine» aýysyp kelip, qal-qadirimiz jetkenshe sabaǵymyzdy berip júrmiz. Shákirtterim de bıikten kórinip júr. Barlyǵy oıdaǵydan da jaqsy. Biraq Máshekeńniń murasyn oqyǵan saıyn moınymyzdaǵy paryz esimnen ketpeıdi. Bastaǵan isimdi aıaqsyz qaldyrdym. Qazir «Keleshek mektebinde» qyzmetimdi atqaryp júrsem de qosymsha Máshhúr Júsip Kópeıuly kitaptaryn, jazbalaryn nasıhattaýmen aınalysýdamyn», deıdi jas muǵalim.
Aınalyp kelgende bul da – ultqa qyzmet qylýdyń aıshyqty aıǵaǵynyń biri. Osydan kele Jankeldi Kenjebaı sekildi balalardyń janyna bilim ǵana emes, ulttyq tárbıe sińire alatyn er muǵalimniń qatary kóbeıse deısiń, shirkin!
Qaraǵandy oblysy
