Kúni keshe Shymkent turǵyny júkti áıelderdiń atyna zańsyz 217 mln teńge tólem rásimdegen. Qala prokýratýrasy áleýmettik tólemderdiń taǵaıyndalý zańdylyǵyna júrgizgen taldaý nátıjesinde «Ý» esimdi azamatshanyń zańsyz is-áreketin áshkereledi. Taldaý barysynda atalǵan azamatsha jeke kásipkerlerdiń elektrondyq sıfrlyq qoltańba kiltterin paıdalanyp, júkti áıelderdi kásiporyndarǵa jalǵan jumysqa ornalastyrǵany anyqtaldy.
Ári qaraı ol júkti áıelderdiń atyna zańsyz túrde áleýmettik tólemderdi rásimdep, belgilengen qarajatty óz qajettiligine jumsaǵan. Zańsyz is-árekettiń saldarynan memleketke 217 mln tg kóleminde shyǵyn keltirilgen.
«Aıyptalýshy jalǵan eńbek kelisimderi men bógde tulǵalardyń ESQ-syn paıdalana otyryp tólemderdi alyp kelgen. Olar kimderdiń qoltańbasy, kim kómektesken solarǵa ıe bolýǵa? Bul oqıǵa kezdeısoq emes. О́ıtkeni ESQ rásimdeý jáne verıfıkasııa prosesteri — dál osy «Azamattarǵa arnalǵan úkimet» júıesi arqyly ótedi. Iаǵnı mundaı kólemdegi alaıaqtyq ishki baqylaý tetiginiń isten shyqqanyn kórsetedi», dep jazdy depýtat.
Onyń aıtýynsha, birneshe aı buryn dál sol fılıalda júrgizýshi kýálikterin zańsyz satý faktisi boıynsha iri qylmystyq is ashylǵany da jarııalandy.
«Agenttiktiń resmı aqparatyna sáıkes, 500-den astam adam emtıhan tapsyrmaı-aq kýálik alǵan. «Qyzmettiń» quny – 150–400 myń teńge, al uıymdasqan toptyń tabysy 150 mıllıon teńgeden asqan. Bul jaǵdaı da dál sol júıeniń ishinde oryn alǵan. Bir jerde – ESQ arqyly áleýmettik tólemder urlanyp jatsa, ekinshi jerde – júrgizýshi kýálikteri aqyly túrde «satylyp» kelgen. Demek, másele — jeke qyzmetkerlerde emes, baqylaý men basqarý júıesiniń álsizdiginde.Eń soraqysy – resmı tergeýde kórsetkendeı, Shymkent fılıalynda shetelde júrgen tulǵanyń atyna elektrondyq sıfrlyq qoltańba (ESQ) rásimdelgen, jáne bul ESQ keıin Qazaqstan aýmaǵynda belsendi paıdalanylǵan. Atalǵan ESQ kompanııalardy tirkeý, salyq esepteri, býhgalterlik qujattar men memlekettik organdarmen hat almasýda, tipti sot is-qaralarynda paıdalanylǵan. Bul — memlekettik qyzmet kórsetý salasyndaǵy qaýipsizdik pen zańdylyqtyń aıqyn buzylýy», deıdi ol.
Depýtat osy derekter negizinde Úkimet basshylyǵyna depýtattyq saýal joldaıtynyn jáne tergeý nátıjeleri men júıelik álsizdikterdi jan-jaqty qaraýdy talap etetinin aıtty. Onyń maqsaty — kinálilerdi ǵana emes, júıedegi túbirtekti aqaýlardy anyqtap, olardy joıý.
