STÝDENTTER QAÝYMYNYŃ ALǴYSY

Memleket basshysynyń atyna Abaı atyndaǵy Qazaq ulttyq pedagogıkalyq ýnıversıtetiniń stýdentterinen hat keldi. Hatqa B.Baqkeldiqyzy, M.Ýshatov, N.Buldybaev, I.Bulaqbaeva, A.Musanova, N.Nurpeıisov, Q.Maqashev, A.Baıtasov, O.Jumataev, S.Shahanova qol qoıǵan, dep habarlady Qazaqstan Respýblıkasy Prezıdentiniń baspasóz qyzmeti. Elimizdegi baıyrǵy joǵary oqý ornynyń stýdentter qaýymy atynan joldanǵan hatta avtorlar Elbasyn Elorda kúnimen quttyqtaı otyryp, eń izgi tilekterin bylaısha bildiredi: “Biz, táýelsiz Qazaqstannyń ja­lyndy da jigerli jastary, ǵylym men bi­­limniń, órkenıet pen joǵary tehno­logııalardyń qaryshtap damyp jatqan kezeńinde, tatýlyǵy men birligi ja­ras­qan táýelsiz memlekette ómir ke­ship jatqanymyzǵa sheksiz baqy­t­ty­myz. Qazaqstannyń daryndy stýdent­te­ri shet elderde “Bola­shaq” baǵdar­lamasymen oqyp, ozyq tájirıbesin memleketimizdiń órkendeýine jumsaýǵa múmkindik alyp otyr. Stýdent­ter­diń áleý­met­tik jaǵdaılaryn jaqsartý maqsatynda memlekettik granttar sany ulǵaıyp, shákirtaqy mólsheri jyl ótken saıyn artýda. Sony­men qatar, stýdenttik jataq­ha­na­lardyń aýmaǵy keńeıtilip, ómir súrý jaǵdaıy barynsha jaqsara túsýde. Búgingi kúni memleketimizde saýatty, parasatty jastardyń jańa tolqyny ósip, qalyptasyp keledi. Osynyń bar­lyǵy, asa qadirmendi Nursultan Ábishuly, Siz júrgizip otyrǵan syndarly saıasatyńyzdyń jemisi, jastarǵa artylǵan zor senim men úlken qamqorlyq dep bilemiz”.