PIANINO PIRI KELDI

Qala kúni merekesi qarsańynda elimizdiń klassıkalyq mýzyka súıer qaýymy zor qýanyshqa keneldi. Bul joly Astana toıyna álemge áıgili orys pıanısi Denıs Masýev keldi. Astana qalasy kóp shahardyń biri emes, ol naǵyz óner týyndysy eken, dep atap ótti Denıs Masýev qazaqstandyq jýrnalıstermen kezdesýinde. Men az ǵana ýaqyt ishinde ósip shyqqan osynaý óner týyndysyna qaıran qaldym. Qala ishindegi tazalyqty, záýlim ǵımarattardy aıtpaǵanda, Astana naǵyz jaquttaı kóz tartatyn, sulý qalaǵa aınalypty. Sondaı-aq ol óziniń konserti týraly da aıta ketti. Pıanıst úshin eń bastysy mıkrofonsyz oınaı alatyn, akýstıkasy jaqsy zal óte mańyzdy eken. Onyń aıtýynsha, Reseıde bir másele bar, ol klassıkalyq mýzyka úshin dál bizdegideı konserttik zaldardyń joqtyǵy kórinedi. Búginde Denıs Masýevtiń jeke konsertteriniń kestesi birneshe jyl buryn aldyn ala jazylyp qoıady. Nıý-Iorktegi Carnegie Hall men Lincoln Center-de, Vashıngtondaǵy Kennedy Center, Parıjdiń Salle Gaveau, Zalsbýrgtegi Mozarteum, Gambýrgtegi Musikhalle, Venadaǵy Musikverein, Londondaǵy Royal Festival Hall-da úlken anshlagpen óz klassıkalyq konsertterin bergen. Denısti endi “Qazaqstan” ortalyq konsert zaly qabyldady. Qazaqstanda tuńǵysh ret ótken konsertti tamashalaǵan kórermender keshten baǵa jetpes rýhanı lázzat aldy. Venera TÚGELBAI.