Kollajdy jasaǵan Amangeldi Qııas, «EQ»
«Agroónerkásip keshenin sıfrlandyrýmen naqty aınalysqan jón. О́zderińizge málim, jappaı sıfrlandyrý jáne barlyq salaǵa jasandy ıntellekt tehnologııasyn engizý Joldaýymda basty mindet retinde ataldy. Aýyl sharýashylyǵy úshin munyń máni óte zor. Sebebi jańa tehnologııalar shyǵyndy aıtarlyqtaı azaıtyp, ónimdilikti ulǵaıtýǵa múmkindik beredi», dedi Qasym-Jomart Toqaev.
Prezıdent Aqmola oblysynda ótken keńeste jınalǵan ónimdi tıisinshe saqtaý jáne shyǵyndy meılinshe azaıtý sharalaryn qamtamasyz etýdi tapsyrǵan edi. Elimizdegi kóptegen sharýa qojalyǵynyń qarjylyq turaqtylyǵy osyǵan baılanysty.
«Aldymyzda sıfrlyq tehnologııalar jáne jasandy ıntellekt elementteriniń kómegimen memlekettiń bıdaı qoryn esepke alatyn jáne baqylaıtyn tıimdi júıe qurý mindeti tur. Ol úshin qoldanystaǵy astyq qambalaryn jańǵyrtyp, zamanaýı elevatorlar salý qajet. Bıdaıdy qabyldaýdy jáne jóneltýdi esepke alatyn elektrondyq júıeniń bolýy jeke elevatorlar qurylysyn qarjylandyrý baǵdarlamasynyń mindetti bir sharty bolýǵa tıis. Búginde kóptegen sharýalar tehnologııalyq jańashyldyqty (smart-ferma, agrodron, jer serigi tehnologııasy jáne JI) belsendi qoldana bastady. Biraq jalpy el kóleminde qandaı da bir júıeli ózgerister bolyp jatyr dep aıtýǵa áli erte», dedi El prezıdenti.
