«Freedom Broker» qarjylyq taldaý departamentiniń dırektory Erlan Ábdikárimovtiń aıtýynsha, jasandy ıntellekt ınvestısııalyq saladaǵy sarapshylardy tolyq almastyra almaıdy. Onyń pikirinshe, qor naryǵy – sheshimderdi tolyǵymen algorıtmderge júkteýge kelmeıtin kúrdeli júıe. Sebebi ol qatysýshylardyń emosııasy men áreketine tikeleı táýeldi ári refleksıvti sıpatqa ıe: ınvestorlardyń sheshimi naryqtyń baǵytyna tikeleı áser etedi. Sarapshy JI-diń esepterdi óńdeý men derekterdi jınaqtap usyný sııaqty standartty úderisterdi avtomattandyrýda tıimdi qural ekenin moıyndaı otyryp, iri ınvestısııalyq qorjyndardy basqarý isinde adam faktory áli de sheshýshi ról atqaratynyn atap ótti. Klıentter algorıtmniń ǵana emes, naqty mamannyń kásibı kózqarasyn da kórgisi keledi.
«Frıdom Bank Qazaqstan» AQ dırektorlar keńesiniń múshesi Aıdos Jumaǵulovtyń aıtýynsha, IT-salasynyń otandyq naryqpen ıntegrasııalaný úderisi baıaǵyda bastalyp ketken. Bul segmenttiń qozǵaýshy kúshi – ınvestısııa. Sarapshy básekelestikti qoldaıtynyn ári zamanaýı tehnologııalardy ýaqytynda meńgerip, tıimdi qoldanǵandar ǵana naryqta jeńiske jetetinin aıtty.
Aıdos Jumaǵulovtyń pikirinshe, naryqqa jańa oıynshylar jyldam qosylyp jatyr. Mundaı qarqynnyń ózinde eń jańa tehnologııanyń ózi ıntegrasııanyń shapshańdyǵyna ilese almaı qalatyn jaǵdaılar jıilegen. Sondyqtan búgin qandaı strategııa basymdyqqa ıe bolatynyn naqty boljaý qıyn. Biraq ózgeristerge der kezinde beıimdelip, baǵytyn jyldam túzegender ǵana bul úderisten utatyny sózsiz.
A.Jumaǵulov «7-20-25» memlekettik baǵdarlama aıasyndaǵy sıfrlyq ıpotekany mysalǵa keltirdi. Nebári úsh apta ishinde bank osy segmenttegi naryqtyń 30%-yn ıelene aldy. «Qaǵaz qujattary, qashyqtyqtaǵy KYC, derekter bazasy jáne skorıng joq kezde sıfrlandyrýǵa kóshýdiń arqasynda uıym kredıt berý merzimin 30-60 kúnnen bir táýlikke deıin qysqarta aldy. Mysaly, «Freedom Bank»-tegi jyljymaıtyn múlikti baǵalaý bar-joǵy bir sekýndqa sozylady», dedi sarapshy.
Ipotekalyq nesıeleýdegi tabysty tájirıbe sıfrlyq avtonesıe men shaǵyn jáne orta bıznesti qarjylandyrý sııaqty ónimderdi odan ári damytýǵa negiz boldy. Bul úderiste skorıng júıesindegi jasandy ıntellekt pen zamanaýı tehnologııalar negizgi quralǵa aınalyp otyr.
«Algorıtmder klıenttiń senimdiligin baǵalaýda dástúrli tásilderdi tolyq almastyra alady», dedi A.Jumaǵulov.
Rasynda, zamanaýı ekojúıe – paıdalanýshylarǵa bir alańda túrli qyzmetti usynatyn ǵana emes, sondaı-aq jańa tehnologııalarmen jabdyqtalǵan yńǵaıly ınfraqurylym. О́tken jyly «Freedom Bank» jan-jaqty qyzmet kórsetetin «Freedom SuperApp» mobıldi qosymshasyn iske qosty. Bul platforma bir mezgilde «bir tereze» qaǵıdaty boıynsha jumys isteıtin biryńǵaı alańǵa, holdıng ónimderin biriktirýge, sonymen qatar klıentpen ózara árekettestiktiń jańa kezeńine jol ashatyn tramplınge aınaldy. Qańtarda «Freedom Bank» aıtarlyqtaı ósim kórsetip, SuperApp arqyly 800 myńnan astam klıentti tartty. A.Jumaǵulovtyń aıtýynsha, bir táýlikte júkteý sany 73 myńǵa deıin jetken.
«Freedom Finance Insurance» basqarma tóraǵasy Azamat Kerimbaevtyń aıtýynsha, jasandy ıntellekt tehnologııalaryn engizý kompanııanyń koll-ortalyǵy jumysyn ońtaılandyryp, qońyraýlar aǵynyn tıimdi basqarýǵa múmkindik bergen. Bastapqyda bul bólimde 35 qyzmetker jumys istep, kompanııanyń naryqtaǵy úlesi 10 paıyz shamasynda bolǵan. Alaıda bıznes aýqymynyń keńeıýine baılanysty aı saıynǵy qońyraý sany 65 myńǵa deıin artqan.
Sonymen qatar kompanııa jasandy ıntellekt tehnologııalaryn engizý arqyly tutynýshylar suranysyn tıimdi retteýge kóshken. JI birneshe saǵat ishinde myńdaǵan aýdıojazbany saralap, ótinishterdiń negizgi úsh sebebin anyqtaǵan: polıs rásimdeý, ony qaıta rásimdeý (mysaly, kólik nemese júrgizýshi qosý), saqtandyrý tóleminiń mártebesin naqtylaý. Osy derekter negizinde kompanııa avtomatty túrde jaýap beretin daýystyq kómekshini iske qosqan.
«Alǵashqy úsh aıda operator qabyldaıtyn qońyraý kólemin 25 paıyzǵa qysqarttyq. Endi klıentterdiń kópshiligi bot arqyly qajetti aqparatty alady, al koll-ortalyq mamandary kúrdeli suranystarmen aınalysady», dedi A.Kerimbaev.
Onyń aıtýynsha, bul baǵytty jetildirý jalǵasady. Aldaǵy ýaqytta kompanııa tutynýshylyq ótinishterdiń jartysynan kóbin jasandy ıntellekt kómegimen óńdeýdi kózdep otyr.
ALMATY
