Mundaı tájirıbeniń birin Q.Jubanov atyndaǵy Aqtóbe óńirlik ýnıversıtetiniń Heriot-Watt ýnıversıteti engizdi. Plenitude Kazakhstan Kompanııanyń bas dırektory Federıko Pýleze Aqtóbe kampýsynda bilim alýshylarǵa kompanııanyń jańartylatyn energııa kózderiniń júzege asý barysyn túsindirdi. Spıker «Electrical Power Engineering» bilim berý baǵdarlamasymen oqyp jatqan stýdentterge jel elektr stansııasynyń tolyq jumys sıkli, tehnıkalyq úderisterin aıtyp berdi.
Aıta ketsek, Aqtóbe oblysynyń Qarǵaly jáne Hromtaý aýdandarynda ornalasqan Badamsha-1 jáne Badamsha-2 jel elektr stansııalary búginde óńirdiń negizgi elektr energııa kózine aınalyp otyr. Jalpy qýaty 96 megavatt bolatyn bul nysandar – elimizdegi alǵashqy jeke qarjylandyrylǵan jel stansııalarynyń biri. Zamanaýı General Electric týrbınalarymen jabdyqtalǵan stansııalar jyl saıyn júzdegen mıllıon kılovatt-saǵat ekologııalyq taza energııa óndiredi. Osy jobalardy júzege asyryp otyrǵan Plenitude Kazakhstan kompanııasy elimizde sondaı-aq Shaulder kún elektr stansııasy (50 MVt) men Mańǵystaý gıbrıdti energııa jobasyn iske asyryp keledi.
Spıker elimizde ashylǵan Heriot-Watt ýnıversıtetiniń kampýsynda «Electrical and Electronic Engineering» baǵdarlamalarynyń mańyzyn atap ótip, aǵylshyn tilinde bilim alý bolashaq ınjenerlerdiń halyqaralyq deńgeıde básekege qabiletti bolýyna múmkindik beretinin aıtty.
