Forýmnyń ashylýynda Almaty oblysy bilim basqarmasynyń basshysy Araılym Tóleýbekova saladaǵy ınnovasııalyq tásilderdiń mańyzdylyǵyn atap ótti.
«Prezıdent Qasym-Jomart Toqaev sıfrlyq tehnologııalar eńbek naryǵyn túbegeıli ózgertip jatqanyn atap ótti. Búginde álemde jasandy ıntellekt salasynda jumys isteı alatyn mamandarǵa suranys joǵary. Sondyqtan mundaı quzyrettilikti erte jastan qalyptastyrý asa mańyzdy. Bul forým ustazdardyń kásibı daǵdylaryn jetildirýge, bilim sapasyn arttyrýǵa, jas urpaqtyń shyǵarmashylyq ári synı turǵydan oılaý qabiletterin damytýǵa baǵyttalǵan», dedi bilim basqarmasynyń basshysy.
Is-shara barysynda qatysýshylar zamanaýı tehnologııalar, robottehnıka, ekologııalyq jobalar men drondar jarysy sııaqty baǵyttarda tájirıbelik alańdar men sheberlik sabaqtarynda óz jobalaryn tanystyrdy.
Tájirıbelik baǵyttar qatarynda «Arheologııa: Tamyry tereńniń – butaǵy bıik», «Mamandyqtar alańy: Bolashaqqa durys tańdaý», «Eco ART sheberhanasy», «SmartTech: Robottehnıka jáne Arduino», «Dragon Air Race: Drondar jarysy» syndy baǵyttardy qamtydy. Qatysýshylar halyqaralyq forýmnyń joǵary deńgeıde uıymdastyrylǵanyn, sharanyń tájirıbelik mańyzyn erekshe atap ótti. Pedagogter Úmit Muqan, Aınur Jabaeva, mektep dırektory Danııar Taıjanulynyń aıtýynsha, forým tájirıbe almasýǵa arnalǵan biregeı alań bolyp, oqýshylardyń fýnksıonaldyq saýattylyǵyn damytýǵa, bilim sapasyn arttyrýǵa zor úles qosty.
Forým qorytyndysynda qatysýshylar STEAM jáne jasandy ıntellekt baǵytynda bilim berýdiń ádistemelik negizderin jetildirý maqsatynda usynystaryn da aıtty.
Almaty oblysy,
Talǵar aýdany
