Taraptar ekijaqty ózara is-qımyldy keńeıtý, onyń ishinde medısına salasyna sıfrlyq sheshimder men jasandy ıntellekt tehnologııalaryn engizý boıynsha tájirıbe almasý máselelerin talqylady.
Túrik áriptesteri medısınalyq kómekti uıymdastyrýdy, qarjylandyrý qaǵıdattaryn, sıfrlandyrý dárejesin jáne negizgi salalyq kórsetkishterdi qosa alǵanda, ulttyq densaýlyq saqtaý júıesiniń jumys isteýi týraly baıandama jasady.
Jeke blok halyqaralyq medısınalyq qyzmetter men medısınalyq týrızmdi damytýdy úılestiretin ulttyq qurylym – USHAŞ jumysyna arnaldy.
E-Nabız ulttyq sıfrlyq platformasynyń arhıtektýrasyna jáne Túrkııanyń basqa da medısınalyq aqparattyq júıelerine erekshe nazar aýdarylady. Usynylǵan sheshimder medısınalyq derekterdi biriktirýdi, qyzmet sapasyn arttyrýdy jáne pasıentter úshin sıfrlyq qyzmetterdiń yńǵaılylyǵyn qamtamasyz etedi.
Taraptar Qazaqstanda osyndaı sheshimderdi beıimdeý – medısınalyq derekterdiń biryńǵaı bazasyn qurý, elektrondyq densaýlyq pasporttaryn damytý jáne paıdalanýshy servısterin jetildirý múmkindigin qarastyrdy.
Budan basqa, Erbol Ospanov pen Shýaıp Bırındjı kásibı ózara is-qımyldy nyǵaıtý jáne ozyq ádistemelermen almasý úshin Qazaqstanda túrik medısınasy kúnderin ótkizý bastamasyn talqylady, sondaı-aq eki eldiń klınıkalary men ýnıversıtetteriniń bazasynda medısınalyq kadrlardyń biliktiligin arttyrý jáne qaıta daıarlaý baǵdarlamalarynyń perspektıvalaryn qarastyrdy.
Kezdesý qorytyndysy boıynsha taraptar túrik tájirıbesin eskere otyryp, áriptestikti odan ári damytýǵa jáne sıfrlyq jobalardy birlesip iske asyrýǵa daıyn ekendikterin rastady. Densaýlyq saqtaýdy sıfrlandyrý salasyndaǵy yntymaqtastyq týraly birlesken kelisimdi ázirleý jáne oǵan qol qoıý josparlanýda.
