Foto:depositphotos.com
Depýtattyń aıtýynsha, bul máseleni ol buǵan deıin Úkimet deńgeıinde de kótergen, alaıda ázirge naqty sheshim qabyldanbaǵan.
«Ana nemese áke balasynyń janynda ótkize alatyn qosymsha bir saǵat – onyń bolashaǵyna salynǵan ınvestısııa, otbasynyń berik bolýy, qoǵamnyń turaqtylyǵy, balany balabaqshadan ýaqytynda alyp ketý múmkindigi. Balanyń tárbıesi men densaýlyǵyna kóbirek kóńil bólýge jol ashady», dedi Q.Ábden.
Ol quzyrly organdardy jáne áriptes depýtattardy zańdy ekinshi oqylymda qaraý kezinde osy usynysty eskerýge shaqyrdy.
Álemdik tájirıbe
Qaraqat Ábdenniń aıtýynsha, kóptegen damyǵan elderde kishkentaı balasy bar ata-analar úshin qysqartylǵan jumys kúni nemese jumys aptasy burynnan qoldanylady jáne bul tájirıbe tıimdi ári ǵylymı turǵyda dáleldengen.
«Bul artyqshylyq nemese jeńildik retinde emes, otbasyn nyǵaıtýǵa baǵyttalǵan memlekettik strategııanyń bir bóligi retinde qarastyrylady. Qosymsha bıýdjet shyǵyndaryn talap etpeıdi. Bul – qarapaıym ózara almastyrý qaǵıdaty, ony eńbek zańnamasynda ońaı retteýge bolady», dedi depýtat.
Eske salaıyq, bir jyl buryn Qaraqat Ábden skandınavııalyq elderdiń tájirıbesine súıene otyryp, áıelder úshin jumys kúnin qysqartýdy jáne aqyly dekrettik demalysty eki jylǵa deıin uzartýdy usynǵany málim.
