Foto: Ashyq derekkóz
Kıno jáne teledıdar ındýstrııasynyń alıans bazasynda «Kalmar oıyny: Amerıka» degen jumys ataýy bar jańa shoý tirkeldi. Túsirilim 2026 jyldyń 26 aqpanynda Los-Andjeleste bastalady.
Jobany túpnusqalyq «Kalmar oıyny» serıalynyń avtory Hvan Don Hek, Devıd Fıncher, Zevs Zamanı, Rett Djaılz jáne ssenarıst Dennıs Kellı basqarady. Aıta keteıik, akterlik quramda Keıt Blanshettiń bolýy jankúıerlerdiń qyzyǵýshylyǵyn odan ári artyra tústi.
Jobanyń sıpattamasyna sáıkes, bul nusqa oıyndardyń jańa mádenıet pen áleýmettik ortadaǵy kórinisin kórsetedi.
Quryltaıshylar egjeı-tegjeıli aqparat jarııalamasa da, jankúıerler serıaldyń aqsha, bılik, áleýmettik teńsizdik jáne kúızelis taqyryptaryn jalǵastyratynyna senimdi. Bul – túpnusqany álemdik fenomenge aınaldyrǵan negizgi faktorlardyń biri boldy.
«Spın-off – koreılik tanymal serıaldyń amerıkandyq nusqasy. Biraq oıyndardyń Amerıkadaǵy qabyldaný tásili kórsetiledi», delingen jobanyń sıpattamasynda.
